أعربت الفنانة هند صبري، عن سعادتها بنجاح فيلم فضل ونعمة، مشيرة إلى أن الجمهور متعطش للأفلام العائلية، وتابعت:” أعتقد إن الناس متعطشة للأفلام العائلية، وده فيلم عائلي زي الكتاب ما بيقول، مش بنحاول نقول إن فيه رسالة كبيرة، هو فيلم مُسلي وبيحترم كل الأعمار، قائم على المواقف مش على الإفيهات، إحنا ضيوف على الكوميديا”.
وأضافت “صبري”، خلال مداخلة هاتفية لها ببرنامج “الحكاية”، والمذاع عبر قناة ام بي سي مصر، ويقدمه الإعلامي عمرو أديب، أن الفيلم عودة جميلة لأستاذ رامي إمام كان واحشنا، المخرج بيطلع مننا كوميديا وهي أصعب أنواع التمثيل، كلنا كنا مستمتعين، الفيلم ده محسناش بيه وخلصناه بمنتهى السلاسة، رامي إمام إيده خفيفه وقدمه سعد، وعودة حميدة لـ رامي إمام.
وتابع:” مبسوطين من الإعجاب وإحنا سعداء بهذا النجاح، الفضل يعود أولا لـ رامي إمام لأنه اكتشف الكوميديا فيا من 12 سنة في مسلسل عايزة أتجوز، إحنا بنشتغل مع فريق عمل يبهيء لينا جو يخلينا نطلع كوميديا”.
وقالت:” أعتقد إن أنا وماجد عندنا نفس المدرسة في التمثيل اللي هو السهل الممتنع لإننا مش بنبروز الإفيهات، وجميل إننا نشوف ممثلين بيلعبوا كوميديا وبعدين يرجعوا تاني مكانهم، ومبروك لـ ماجد الكدواني، اللي أنا من معجبينه ولما بييجي مشهد قدامي بتثبت، وكسبت أخ وصديق من الفيلم ده، سوي نفسيًا”.
