كشف الكاتب الصحفي محمد عبد الرحمن عن تطورات الحالة الصحية للإعلامية أسماء مصطفى عن تطورات حالتها الصحية، بعد خضوعها لعملية جراحية جراء إصابتها بمرض السرطان.
وكتب عبد الرحمن عبر حسابه بموقع فيسبوك : «من وقت تعب أسماء مصطفى وكل شهر بسيناريو وكل عملية بتتقدم خطوات وبتفوق من البنج تلاقي حواجز جديدة».
وأضاف: «آخر عملية أول امبارح، ربنا لطف بيها والدكتور اكتشف حاجة صعبة جدا مكنتش باينة في المسح الذري حرفيا حياتها كانت في خطر، الحمد لله عدت على خير، لكن للأسف لسة جزء من الورم الخبيث جدا موجود».
وتابع: «أسماء بتطلب منكم أن تدعو لها، لأن لطف ربنا ودعوات الصالحين هي سلاحها الوحيد للمقاومة، ادعوا لأسماء مصطفى في محنتها هي فعلا تستاهل كل خير».
كانت الإعلامية أسماء مصطفى المذيعة بقناة سي بي سي إكسترا، قد كشفت عن قصة إصابتها قائلة: “الإجابة ببساطة إنى مقتنعة ومدركة، إن مريض السرطان بيقدر يفيد غيره بتجربته، وبيكون فعلا فيها أمور كتيرة واحيانا معقدة جدا”.
وتابعت :”بس أنا ما زالت فى هذه المحنة، وحتى الآن واللحظة ماعنديش جديد غير إني منتظرة انى مع الفحص الجاى بإذن الله ألاقى استجابة للعلاج، وأكيد لما ربنا يكتبلى الشفاء من عنده هطلع وأقول وأتكلم معاكم كتير.. نفسى أكون مفيدة فعلا للناس بس حاليا ماينفعش”.
وأضافت الإعلامية “أسماء” عبر منشورها: “الحاجة الثانية زى ما وضحت قبل كده ده مرض ملوش كتالوج فى ناس نفس حالتى وكانت ظروفهم أفضل منى وفى العكس طبعا الشئ الأهم اللى هنصح بيه وبكرره مفيش حالة زى الثانية حتى لو كانت نفس الإصابة لأن جسمنا مش واحد ولا هنعانى نفس الأعراض أنواع السرطان واحدة ولا العلاجات واحدة ولا الأجسام واحدة”.
وتابعت أسماء مصطفى عبر منشورها”علشان كده بلاش تبادل خبرات الأدوية لأن دى يحددها الطبيب المختص فقط حسب كل شخص وفى حالات معقدة زى حالاتى بتاخد أكثر من نوع علاج كيمو مع بعض وكل شوية تعديل رجاء نخلى بالنا نتوكل على الله وناخد بالأسباب وربنا كريم وان شاء الله اقابلكم على خير”.
