استضافت الإعلامية لميس الحديدي، الفنانة هنادي مهنا، ببرنامج “كلمة أخيرة”، والمذاع عبر قناة اون، حيث أنها تحدثت عن دورها في مسلسل مكتوب عليا.
ويستعرض موقع “الحكاية” أبرز تصريحات الفنانة هنادي مهنا ببرنامج كلمة أخيرة وهي كالتالي:
– أنا كنت رشيقة وزيادة وزني كان سبها فترة فضلت أصور أعمال وماتنزلش فوزني زاد
– وزني زاد في مصر بسبب الدلع والمسقعة والمحشي
– في أسبانيا كنت بتحرك كتير ومش بعرف أطبخ هناك
– أنا بحب الشغل من صغري وإشتغلت مدرسة أول ماجيت مصر
– لما إشتغلت في التمثيل مكنتش واخدة على الشغل الموسمي
– بحب أصحى الصبح يومياً يبقى ورايا حاجة أعملها
– الجمال مش شرط يبقى البوابة للنجومية الاهم الروح والخبرة ويكون الي جوانا حل أهم من الشكل
– بزعل بسرعة وبيبان عليا بس مش بطول وببسط نفسي بالمزيكا والمطبخ
– أنا بطبخ كل أنواع الاكل والاهم النفس ومهتمه بأكل أحمد جداً
– قبل التصوير بسيب لاحمد فطاره وغداه عشان ماحسش بالذنب
– فيه ناس قلتلي في وقت ما وشك زي ” الجاموسة ” وكنت بتأثر وبعيط وفقدت ثقتي في نفسي
– استعدت ثقتي في نفسي لما بقيت أبص في المرايا وأنا مرتاحة ومش فارق معايا كلام حد سواء تخنت أو رفعت
– أكتر عمل فرحني وإداني طاقة إيجابية وقلتلهم أنا جاية أتعالج نفسياً معاكم
– أكرم حسني شخص محترم ودمه خفيف وأكتشفت أننا متشابهان في بعض الصفات
– الشائعات عن خلافاتي مع أحمد بتضحكني ومبسوطة بيها عشان مانتحسدش
– بفتح موبايل أحمد ومعايا الباسورد بس هوا ماعندوش حاجه يخبيها
– بنغير على بعض في حدود الطبيعي وبتمنى دايماً يبقى أحسن مني
– عندي خطوط حمراء في حدود المجتمع الي إخترت اعيش فيه ولازم أحترمه وأبقى قدوه
