“حبنا انتصر على الصعوبات”.. لقاء الخميسي تحتفل بمرور 20 سنة على زواجها من أوسا

احتفلت النجمة لقاء الخميسي بعيد زواجها الـ 20 على نجم كرة القدم السابق في الزمالك والمنتخب الوطني محمد عبد المنصف.

ونشرت لقاء الخميسي، صورة تجمعها بزوجها، على  صفحتها الرسمية على موقع التواصل الاجتماعي انستجرام وعلقت عليها: “في يوم من الأيام من 20 سنة قررنا نبدأ رحلتنا مع بعض، أنا وأنت ابتدينا الطريق بحب وإصرار، عدينا على صعوبات كتير بس انتصرنا عليها بالحب والإصرار، وهنفضل مع بعض بإيماننا ببعض، كل عيد جواز وإحنا بخير وسلام ورضا وحب”.

أثارت الفنانة لقاء الخميسي، الجدل حول حديثها عن كونها مسلمة بالوراثة، خلال الفترة الماضية، كما ظهرت في إحدى البرامج التليفزيونية، أمس الثلاثاء، مؤكدة على ذلك وأن هناك من يهاجمها من الجمهور بسبب آراءها الدينية.

وكشفت لقاء الخميسي في تصريحات تليفزيونية:” أنا مسلمة، أبويا مسلم وأنا مسلمة، ومعنى كلمة مسلمة أني أسلمت قلبي لـ الله، كل واحد جواه ربنا، شايف ربنا إزاي ومعتنق ديانة إيه دي تخص كل واحد متخصش حد تاني، وأنا شايفة أن كل الأديان بتعرف ربنا، ووالدتي مسيحية، وأمي عمرها ما دخلتنا في القصة دي”.

وأكدت  أنها لا تستمع إلى الشيخ، قائلة:” الديانة الإبراهيمية هي الأساس لأن إبراهيم هو الأساس، والدين يتحدث عن الله واحد مفيش غيره والأديان مختلفوش، وقبل ما يبقى فيه إسلام في مصر كانت مسيحية وقبلها يهودية وبدخل عمرو بن العاص بقت مصر مسلمة”.

وقالت : مبسمعش شيوخ بتتكلم عن الدين، ومبحبش أقول أنا مع مين وضد مين، ولكن بحب أسمع النقشبندي، أنا عشت في بلد مش محتاجة حد يشرحلي حاجة، ولما كنت في الإمارات التربية الدينية كانت جزء من المناهج ومدرسين الدين كانوا مصريين.

ونوهت: أنا بقرأ بس ومبسمعش لـ حد، سمعت كتير ولكن مش مقتنعة بكل الحاجات، فيه ناس دلوقتي لطيفة زي الشيخ مصطفى حسني مريح وهادي وواعي، ممكن أكون أنا مش محجبة لكن أنا بحبه، بيديني إحساس السلام النفسي، علاقتنا بـ ربنا مش خناقة.