حسن المستكاوى يداعب زوجته على الهواء: أول ما شوفتها قولت هتجوزها.. والله ما عارف جبت الفتاكة دي منين

كشف الناقد الرياضى حسن المستكاوي، جانب من حياته الزوجية، موضحاً أن فترة الخطوبة أكثر فترة تمثيل في حياة زوج المستقبل، وتابع:” وأكبر غلطة تحكيلها عن إنك كنت فتك”، مشدداً على أن الزوجة والزوج هما السكن لبعضهما.

وأضاف “المستكاوى”، خلال حواره ببرنامج “كلمة أخيرة”، الذى تقدمه الإعلامية لميس الحديدى، عبر قناة “on”، :”الزواج شركة ورحلة حلوة ولطيفة وجميلة وخصوصا لما يكون الست عندها شخصية ودمها خفيف..مفيش ست جراحة قلب زي مجدي يعقوب، ومفيش ست فيلسوفة، وكل الفلاسفة رجالة”.

وأردف “المستكاوى”،:”اللي بيكبر دماغه في البيت هو الراجل مش الست..لو قولت لمراتي يا جيهان بتعرف إني زعلان..أول ما شوفتها قولت هتجوزها.. والله ما عارف جبت الفتاكة دي منين..كان نفسي أخلف بنت، لأن البنت هي اللي بتقعد لأهلها، والنساء أصل العطاء..الخلافات الزوجية وناقر ونقير بتاع الأزواج بتكون كوميدية”.

من جانبها قالت جيهان مصطفى زوجة حسن المستكاوي، والتي شاركت في الحوار،إن الاقتناع أمر مهم جدا في مسألة الزواج، ولكن فكرة الزواج كهدف في حد ذاته تجعل الجواز لا يستمر، وتابعت:” وفى نهاية الأمر مع الوقت تجد الزوجة نفسها أنها تعامل الزوج على إنه ابنها”.

وأردفت “جيهان مصطفى”، :” حسن لما نشر كتاب خيالات زوج، قالي ده مش إحنا ..أول ما خلفت ولد عيطت، ومكنتش متخيلة إني هقدر أسيطر على الولاد”.