أحيا مطرب المهرجانات حسن شاكوش مؤخراً على إحدى الشواطئ النسائية، حفلًا غنائيًا، وشهد الحفل حضورًا كبيرًا من جمهوره.
تصريحات حسن شاكوش
وقدّم شاكوش خلال الحفل مجموعة من أشهر أغانيه القديمة والجديدة، بالإضافة إلى عدد من الأغاني التي قدّمها بطريقة الديو مع العديد من المطربين، من بينهم حمو بيكا وعمر كمال.
اقرأ أيضًا.. حسن شاكوش يتصدر التريند بعد تصريحات زوجته ريم: “هموت نفسي أو هفضحه”
وفي حديثه مع جمهوره، تحدّث شاكوش عن أزمته الأخيرة مع زوجته ريم طارق، قائلًا:”الفترة اللى فاتت سمعتوا كلام كتير عني وشاكوش أتجوز وشاكوش طلق أنا عايز أقولكم أن كل اللى بيتقال ده شائعات وأنا راجل طالع من منطقة شعبية وأعرف أزاي أحافظ على بنات الأصول بس للأسف هنقول إيه”.
وتابع:”في مشكلتي اللي فاتت حاولو يتريقوا عليا وفاكرين هيمسكوها عليا زلة، إحنا شبعنا تريندات، روحت عملتها أغنية “هبسطك إزاى وإنتي مش بسطاني”.
شاهد الفيديو..
تصريحات زوجة شاكوش
من جهة أخرى، تحدّثت زوجة شاكوش، ريم طارق، في مداخلة هاتفية لبرنامج “الوسط الفني” مع الإعلامي أحمد عبد العزيز، عن الفيديو الذي ظهر فيه شقيق شاكوش وهو يتهجم على والدتها.
وقد صرّحت ريم طارق بأن شقيق حسن شاكوش هاجم والدتها عندما كانت تشتكي لوالدة حسن شاكوش بسبب ما “يفعله من تشهير وخوض في الأعراض وسمعتها”.
وأضافت ريم طارق أن حسن شاكوش كان يقوم بالتصوير وهم يسبّونها ووالدتها، وأن الواقعة حدثت منذ شهر ونصف تقريبًا.
وكان قد تحدث شاكوش عن أزمته الأخيرة مع زوجته ريم طارق، والتي وصلت إلى المحاكم، مؤكدًا أنه لن يتحدث عن الأزمة لأنها تخصه وتخص أهل بيته وعرضه.
وقال في لقاء تلفزيوني: أي حاجة شخصية مش هينفع أتكلم فيها لأن في الأول والآخر لو اتكلمت هتكلم على عرضي ودي حاجة شخصية بيني وبين بيتي، واللي حصل معانا حسد، لأن الفرح بتاعي أكيد لازم يتحسد، ده انت نفسك ممكن تحسد نفسك، وأكيد فرحي اتحسد وكلنا اتحسدنا والحمد لله على كل شيء.
ووجه شاكوش رسالة إلى منتقدي أزمته مع زوجته قائلًا: دي مسائل شخصية ويا ريت اللي ما يعرفش حاجة ما يتكلمش، لأن أنا اللي عايش وأنا اللي شايف كل حاجة ومحدش عارف حاجة ويا ريت اللي بيتكلم يقول كلمة الحق في الأول والآخر اللي هتعمله هيقعد ليك ولعيالك وطالما مشافتش حسن شاكوشحاجة ماتتكلمش، لأن لو ظملت هتتظلم في أعز ما ليك، فاتقي الله في عيالك وفي نفسك وفي بيتك وما تتكلمش على حد ما دخلتش بيته.
موضوعات ذات صلة..
رضا البحراوي لمنتقديه:”طول ما أنا في نجاح عمرك ما هترتاح”
