حقيقه طلاق الفنانة شيرين عبدالوهاب من زوجها حسام حبيب

كتبت – شروق حجازي

أثارت الاعلاميه اللبنانيه “نضال الاحمديه” جدل جديد حول حقيقة طلاق الفنانه الشهيرة “شيرين عبدالوهاب” وزوجها “حسام حبيب “.

فلم تكتف الأحمدية، بتسريب التسجيل الصوتي لوالد الفنان حسام حبيب، الذي كان يكشف تدبيره وعدم حُبه لزوجه نجله، بل نشرت في تغريدة جديده لها عبر حسابها الشخصي علي “تويتر”
أن شيرين عبدالوهاب تطلقت اليوم من حسام حبيب، مشيره إلى أن الأخبار التي صُدرت في السابق ما هي إلا شائعات.

أزمه شيرين عبدالوهاب مع زوجها :

بدأت أزمة شيرين عبدالوهاب مع زوجها حسام حبيب، في نوفمبر 2020 عندما تم تداول اخبار عن انفصال الفنانه شيرين عبدالوهاب عن زوجها بالاضافه إلي اتهامه بسرقه أموالها وحقه في السيطره الكامله علي حساباتها البنكيه .

التسجيل المسرب لوالد حسام حبيب:

وتسرب تسجيل صوتي لوالد حسام حبيب بأنه سوف يقوم بزواج ابنه حسام حبيب لسيده اخرى لتحقيق حلمه بالانجاب، واعترضوا على اختلاف البيئه الاجتماعيه لكل منهم؛ مما تسبب في وجود خلافات مع والده حسام.

وتم نفي الخبر من ” حسين حبيب ” والد حسام حبيب
قائلاً “اي عاقل سيصدق ذلك الكلام فالهدف منه هو خراب البيوت”.

رد شيرين عبدالوهاب على الشائعات

“عايزة أطمن كل الناس اللي بتحبني، أنا بخير، ومفيش أي نوع من الخطر عليا ولا على حياتي.. حسام جوزي إنسان من أنضف رجالة الدنيا، وإنسان محترم ومتربي وبيحبني أكتر من نفسه، وميستاهلش كم القسوة ده منكم”

تابعت: “حسام حبيب ربنا حطه في طريقي في وقت أنا كنت فيه متكسرة ومتدمرة، هو بنالي شخصيتي وخلاني بقيت بعرف أتكلم ورجعلي لنفسي تاني الثقة.. حسام ربنا هو اللي بعتهولي، وربنا مش هيعملي حاجة وحشة، وحسام بيحبني أكتر من نفسه أنا وبناتي”.

أضافت: “حسام حبيب من ساعة ما اتجوزني مستفدش بأي حاجة، ومعملش لنفسه أي حاجة.. حسام عايش معايا بس عشان يخاف عليّا وعلى عيالي من كل شيء”.

استكملت: “مفيش أي حاجة من اللي اتقال ده خالص، حسام إنسان نقي ونضيف وربنا هو اللي بعتهولي.. في حاجات كتير أوي بس مش المفروض أرد عليها، ولكن حماتي اللي ربت راجل أخلاقه كده لازم تكون ست عظيمة، حسام راجل عظيم وأمه ست عظيمة، وبتمنى منكم تدعولنا بالذرية الصالحة”.

واصلت: “مفيش أي توكيلات باسم حسام حبيب، والفيز بتاعتي مش معاه، وكل الكلام ده مش مظبوط، لأن أنا كلي كده بتاعته، فـ فيز إيه وتوكيلات إيه.. أنا جوزي راجل متأصل وابن ناس ومن عيلة محترمة أوي أوي، ومقبلش أن حد يتكلم عنه كده لا هو ولا أمه”.

استطردت: “حسام حبيب راجل مفيش منه خلاص، والناس اللي زيّه مبقوش موجودين.. وبالعقل كده، إحنا بقالنا 4 سنين متجوزين، لو كان فعلا راجل عايز يستفيد مني كان عمل حتى غنوة سينجل لنفسه، الناس لازم يبقى عندها عقل وتشوف”.

أوضحت: “حسام حبيب راجل صايني وصاين عيالي، وكل الناس بتتخانق وتختلف، لكن هو بيحبني أكتر من نفسه.. أنا ربنا مديني قلب، وحاسة أنه بيحبني، وحاسة معاه بالأمان”

اختتمت : “حسام حبيب مضرنيش، حسام بالعكس فادني، وكفاية أنه طلع من حياتي كل الناس اللي كانت بتستغلني بجد.. حسام طلع كل الثعابين اللي كانت في حياتي وبتستغلني والحاجات الفاسدة”.

وحتى الآن لم ترد شيرين عبدالوهاب، على تصريح الإعلامية  نضال الاحمديه، سواء بالنفي  أو بالتأكيد.

موضوعات ذات صله:

https://elhekayah.com/منوعات/النمر-الأسود-ذكري-ميلاد-الفنان-القدي/

https://elhekayah.com/منوعات/برج-الاسد-ملك-الغابه/

https://elhekayah.com/منوعات/صفات-برج-الحمل-ونقاط-ضعفه-وقوته/