كشفت الفنانة مي عمر، كواليس دورها في مسلسل علاقة مشروعة، لافتة إلى أنها لم ترغب في تقديمه وترددت في ذلك كثيرا، كونها تكره الشخصية:.
وقالت مي عمر خلال لقائها ببرنامج «أسرار» مع الإعلامية أميرة بدر المذاع على قناة النهار، «كارثة إن يبقى في واحدة على علاقة مع واحد متجوز، وأنا عملت الشخصية دي في مسلسل علاقة مشروعة ومكنتش حباها واترددت في تقديمها، وبكره الشخصية دي جدًا في الحقيقة، وبدأت أحاول ابقى هي عشان احبها واعرف هي شايفة نفسها ازاي، ووجهة نظرها أنها بتشوف نفسها مش غلطانة، وإن إيه المشكلة ما هي بتحبه وسايباه مع مراته عادي».
وتابعت «أنا بشوف إن الراجل المتجوز خط أحمر، واللي مش مبسوط في حياته يطلق ومفيش حاجة اسمها عشان الأولاد، والرجل اللي بيعمل كده بيكذب وبيضحك على نفسه وعلى اللي معاه، واللي مش مبسوط ينفصل، ويدخل في علاقة جديدة بعدها، لكن مع بعض غلط عشان انت بتظلم الاتنين الأولى والتانية».
وتحدثت مي عمر عن والدها وحماتها وقالت: لما والدي تعب كانت فترة وعدت وهو كويس الحمد لله واضطرينا نسافر وقعدنا فترة كبيرة برة والموضوع كان خطر ومجهد نفسياً، ووالدي بيحب الفن وبيحترمه وبيشجعني جدًا، وحماتي من أكتر الناس اللي بتشجعني برضو، ولو فيه مشكلة بينا بتقف معايا أنا؛ مش معاه هو».
كما عبرت مي عمر عن إعجابها وحبها للمخرجة كاملة أبو ذكري، موضحة أن جميع أعمالها تلامس القلب قائلة:« أنا بحب نيللي أوي والمخرجة كاملة أبو ذكري مخرجة خطيرة بحبها جدا وأعمالها دائما مميزة وبتدخل القلب».
وعند سؤالها عن تفضيلها العمل مع زوجها المخرج محمد سامي أو المخرجة كاملة أبو ذكري، قالت مي عمر :«لو محمد وضع في مقارنة مع أي حد، أكيد هختاره لكني بحب المخرجة كاملة جدًا، وبحترم شغلها جدا وأتمنى العمل معها».
تابعونا على صفحات موقع الحكاية الرسمية
