فن
حمو بيكا: كفاية تجرحوني مش كل واحد عنده سلطة يتحكم في البشر
وكتب بيكا عبر حسابه الرسمي بموقع التواصل الاجتماعي “فيسبوك”: “يا جماعة ياريت نفهم ان انا موجوع و تعبان ، كفاية تنـمر عليا ، اتنـمر عليا مرة و اتنين و تلاتة و لسه فيه ناس بتتنمر عليا .. بتتنمروا عليا لحساب مين ؟!
انا بني آدم زي زيكم و الله “.
وأضاف: “الاستاذ هاني حضرتك كنت في ندوة و اتنـمر عليا و انت اخويا الكبير و انا مسامح و الله بس كفاية بالله عليك ،،انا اه مش بعرف اقرا و اكتب بس ربنا خلقلي قلب احس بيه ، كفاية تجرحوني ، مش كل واحد يبقى عنده سلطة يتحكم في البشر ؟!”.
وأردف حمو بيكا: “انا 5 سنين بعاني و بعافر بس هما شايفين ان احنا مبسوطين و فرحانين ، لا انتوا اللي مبسوطين و انتوا اللي معاكم و معاكم كتيييير و عندكم كتيييير بس عمرنا ما بصينالكم .. هو ليه لما يكون معايا حاجه حد يبصلي فيها و عايز يأخدها ؟!”.
وتابع: “ده غير مرضي اللي بدفعله في الشهر كتير اوي .. حسوا بيا ، لو غلطت في حاجه تعالي و حاسبني و علمني الصح من الغلط .. فاتح بيت و عندي أسرة و عندي مسؤوليات كتير محدش يعلم بيها إلا ربنا”.
واختتم: “ارجوكم كفاية.. ياريت تحكموا بينا بالعدل زي ما ربنا سبحانه و تعالى بيقول : ” وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ ” .. و كفاية تنمر عليا و افتكروا كلام ربنا : ” يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ ” .. و في النهاية شكراً لكل حد بيدعمني و بيحبني”.