وجه الفنان الشعبي حمو بيكا لطلاب الثانوية العامة والكليات رسالة طالب فيها بعدم تقليده والسعي وراء التعليم، قائلا “رسالة لطلاب الثانوية العامة و الكليات ..هو انا اه مش متعلم واخدت (محو الأمية) بالعافية لكن ده مش حاجه تفرح ولا تقول عندك بيكا اهو مش متعلم بس ناجح”.
اقرأ المزيد:
هانى مهنا: حمو بيكا مونولوجست مش مغنى وويجز حر في لبسه لكن مش مطرب
وأضاف ” صدقوني والله طعم النجاح مع العلم مختلف تماماً عن طعم النجاح من غير علم، والعلم بيفرق في كل حاجه في الدنيا ، كمية معاناه بشوفها يومياً بسبب اني مش متعلم كبيرة اوي مش بتمني حد منكم يشوفها أو يتعرض لها ، العلم بيستر كتير اوي و بيخليك واعي و متفتح في كل مجالات الحياة..هو اه الشارع علمني كتير ، بس مش زي المدارس و الجامعات ، حتي لو مش هتشتغل بشهادتك و حتي لو دخلت كلية مش بتحبها ، بس يكفي انك متعلم و معاك شهادة تقدر تسد بيها عين الشمس”
ثم أكمل حديثه ” اتعلموا و خلوا بالكم من تعليمكم و شهداتكم لأنها هتفرق كتير اوي معاكوا و مع عيالكم بعد كده ..انا اه مادخلتش مدارس و ماتعلمتش ، بس حابب كل اللي حواليا ناجح و متعلم و اوعي يوم تقول اهو فلان ناجح بس مش متعلم”
موضوعات ذات صلة:
تعرف على رسالة حمو بيكا للفنان هاني شاكر
أعرف ماذا قال طارق الشيخ لـ حمو بيكا وعمر كمال
حمو بيكا يتصدر التريند وينشر صورة مع رامز جلال ويعلق: يارب تكون الحلقة عجبتكم
