قالت الفنانة حنان مطاوع، إنها التحقت الثانوية العامة، ودخلت الشعبة العلمية، لعدم حفظها جدول الضرب، وتابعت:”مجرد ما بدأت الدروس لقيت نفسي مش فاهمة حاجة”.
وأضافت “مطاوع”، خلال لقائها ببرنامج “صاحبة السعادة”، والمذاع عبر قناة دي ام سي، وتقدمه الفنانة إسعاد يونس، قائلة:”دخلت علمي رغم إنى مش حافظة جدول الضرب، علشان بس أتمرد على والدي اللى كان عايزني أدخل أدبى، لأني مش عارفة حاجة في العلمي، وبمجرد ما بدأت الدروس لقيت نفسي مش فاهمة حاجة”.
وتابعت:” اخدت القرار وبدلت وروحت أدبى، وبقيت من أوائل المدرسة، كنت جايبة تقريباً 80% وكان المجموع ده كبير جدا وقتها، بعدها دخلت كلية تجارة إنجليش، واخترت قسم فيه حسابات كتير رغم إنى مش عارفة أى حاجة فى جداول الضرب زي ما قلت قبل كده”.
