أعربت الفنانة حورية فرغلي، عن غضبها بسبب انتشار شائعة وفاتها، موضحة أن الهدف من نشر هذه الشائعة هو ركوب التريند، قائلة: الناس موتوني كتير قوي وأنا بعمل العملية والسبب من هذه الشائعات يبقوا تريند.
وقالت الفنانة حورية فرغلي، خلال حوار ببرنامج حبر سري مع الإعلامية اسما إبراهيم، على قناة القاهرة والناس، أنها بعد آخر عملية عملتها لم تعد تهتم بالسوشيال ميديا، والبحث عن التريند دون أي شيء حاجة مشمئزة، والمروجين لهذه الشائعات يهمهم الشهرة وتجاهل أذية الناس.
وأضافت متابعة: كلام الناس كان بيضايقني وتريقه على شكلي ودمرني نفسيا وقعدت سنتين مش ببص لنفسي في المرايا بسبب السوشيال ميديا وكل اللي كانوا قريبين مني بعدوا.
أبرز تصريحات الفنانة حورية فرغلي
كلام الناس كان بيفرق جدا معايا قبل كده.. وبعدين خلاص مبقاش يهمني، لأنه دمرني نفسيا، وتوقفت عن النظر للمرآة لمدة عامين.
– أختي من والدي معرفش حاجة عنها خالص، عشرتها صعبة وبتغير مني وعايزة أقول لها ربنا يهديكي.
– أنا عندي ثروة من أهلي أكتر من الفن، واللي بيجي من الفن بصرفه على شغلي، ولو المنتج مش هيصرف هصرف أنا.
– اتجوزت 3 شهور بس وكنت مخطوبة قبلها من حب عمري.
– أغلى حصان اشتريته كان بمليون جنيه إسترليني بما يعادل 20.5 مليون جنيه مصري.
فرغلي: فقدت الثقة بنفسي بسبب المرض
– لو أنا حبيت حاجة وهعملها، لازم أبقى رقم واحد يا إما معملهاش خالص.
– أخاف من المرض، خاصة بعد تجربتي الأخيرة التي امتدت لسنوات، ولما تعرضت للمرض فقدت الثقة في نفسي بطريقة غير طبيعية.
