قال الشيخ خالد الجندي، عضو المجلس الأعلى للشئون الإسلامية، إن البعض يشكك أن أغلى مهر فى التاريخ كان لسيدنا موسى عليه السلام، بخدمته ١٠ سنين، فى مشقة وتعب، مشيرا إلى أن كل التفاسير اجمعت على أن سيدنا موسى أتم ١٠ سنين كمهر لزوجته.
وأضاف “الجندي”، خلال تقديمه لبرنامج “لعلهم يفقهون”، المذاع على فضائية “dmc”، اليوم الأربعاء: “يطلع واحد يقولك ده مش أغلى مهر، أغلى مهر كان بتاع الروميساء، لأن مهرها كان أن زوجها اسلم، ده مش أغلى مهر ولا حاجة ده خدها ببلاش، مش عشان اسلم، لو هنزايد على بعض يبقى أغلى مهر دفعه سيدنا النبى محمد صلى الله عليه وسلم، اختارته السيدة عائشة لاخلاقه، وانك لعلى خلق عظيم، يا صاحب الرسالة معاك للصبح لو العملية وعظ”.
وتابع:” أنا اقصد ان أغلى مهر فى العناء والمشقة، ويطلع واحد يقولك ده لو هياخد فى الشهر ١٠ آلاف جنيه، يبقى المهر كله مش هيكمل مليون و١٠٠ ألف جنيه، ربنا ما يحكمكم فى شيخ ولا نبى، بقولك الراجل اشتغل ١٠ سنين أشغال شاقة، والناس عندها جرأة بدون علم”.
وأوضح الجندى، أسباب أن سيدنا موسى، قضى ١٠ سنين أشغال شاقة، قائلا: “من أهم مراجع القصص القرآنى فى العالم، ولقد موسى ١٠ سنين من حياته فى البر والصحراء يتابع الاغنام يتعرض للحر والريح والنصب، وما يبذل من الجهد المشقة والمعاناة، اهو ١١ وصف لمشقة سيدنا موسى، يعنى انت هتتزوج وتعيش فى المشقة والتعب ده لمدة ١٠ سنين، وتقولى فى أغلى من كده مهر “.
