علق الإعلامي خالد الغندور، على فيديو احتفالات ثلاثي الأهلي بترديد هتافات كهربا المسيئ، والذي عوقب بسببه من لجنة الإنضباط بالإيقاف 12 مباراة وغرامة مليون جنيه، وتم إيقاف تنفيذ العقوبة حتى الآن.
وقال الغندور في تصريحات تليفزيونيه ببرنامج “زملكاوي” عبر قناة “الزمالك”:” عاوز أقول رسالتين الأولى لزيزو، خلي عندك دم وروح رياضيه إتعلم من لاعبي الاهلي لمايكون في لاعب واقع بيطلعوا الكرة”.
وأضاف:” وياساسي اتعلم من حسين الشحات ومن ذوقه ومن كتر ذوقه شد الفانله بتاعت باملاك تيسيما شد خفيفه، واحد شيك ورمى الاسبراي مش السماعه”.
وتابع الغندور: “انتم بتكبروا الموضوع ليه؟ اكتر من اعلامي اتكلموا عن موضوع زيزو، ومنهم شبانه، عملوا موضوع زيزو كارثة المفروض فرحتك بالبطوله ينسيك الاخلاق”.
واردف:” هل حد اتكلم عن سلوك الشحات وتصرفه لانه كان ممكن يطرد ويحرم فريقه من لاعب”.
وشدد الغندور:” الكارثة الأكبر لاعبي الاهلي وهي راايحه معسكر منتخب مصر، مروان عطيه ومحمد عبد المنعم وحسين الشحات وبيتصورا وبيقولوا نفس اللفظ اللي قاله كهربا، وتريقه من عبد المنعم اللي هيلعب مع المنتخب، ومحدش هيكلم عليهم ولايعاقبهم”
وأختتم:” لاعبي الأهلي شايفين إنهم فوق العقوبه، وأقل أدبي زي مانا عاوز، لإن كهربا متعاقبش بعد ترديده الهتاف واوقفوا العقوبه وانضم للمنتخب ولا قناة الاهلي. اتعاقبت ولا حد اتكلم عليهم لما رددوا هتافات كهربا على الهواء”.
