كتبت- أسماء نافع
في الوقت الذي تشعر فيه بالضغط والتعب والإرهاق، لن تتمكن من أداء المهام المطلوبة منك بنفس الكفاءة، سواء كانت هذه المهام في عملك أو في منزلك تجاه أسرتك، وقتها تكون بحاجة إلى الخروج من هذا “المود” وأن تفصل ولو قليلًا عما يرهقك حتى تعود نشيطًا وسعيدًا لاستكمال مسيرة الحياة.
أقرأ أيضًا.. ريهام شلبي تُبدع في صناعة المجسمات والأشكال الكرتونية بعجينة السكر
من هذا المنطلق، قررت إيمان سمير، صاحبة الـ 45 سنة، تأسيس جروب “خروجات سيدات بس”، هدفه الأساسي الاساسي مساعدة السيدات في و تخصيص وقت خاص بها تفصل فيه عن أي مشاكل ومسؤليات و شحن الطاقة للعودة من جديد لأدوارها بطاقة أكبر.
وتحي إيمان لموقع الحكاية فكرة الجروب:” الفكرة جت لما كنت بخرج مع اصحابي البنات و بحس أني شحنت طاقتي وبرجع مبسوطة اوي لاننا نفس المسؤليات والافكار والاحاسيس ففكرت اني اعمل جروب اشجع فيه اصحابى علي انهم يهتموا بنفسهم و يخرجوا خروجات زى دى و بعدين فكرت في اول رحلة و الحمدلله لاقت نجاح جدا و من ساعتها و احنا بنشوف ايه الاقتراحات و نطلع الاماكن دى سيدات بس”.
وتؤكد إيمان أن قيادتها لجروب كبير ” خروجات سيدات بس“، أمر ممتع للغاية ” فعلا بقينا عيلة كبيرة هدفها بس إننا نقضي وقت ممتع ولطيف و نجرب اماكن جديدة سوا”.
وتضيف :”الفكرة الحمدلله مفيدة جدا للسيدات قي كل سن لان فعلا المهام و المسؤليات بتخلي كل سيدة مش عارفة تخصص وقت ليها و بالتالي بتحس بتعب و إجهاد نفسي و لما بتيجي معانا بتحس انها بتقول لنفسها شكرا علي تعبك معايا و التقدير دة بيفرق جدا معاها و بتروح طايرة و مبسوطة و دة بينعكس عليها و علي اللي حواليها”.
وتشير إيمان إلى أن الصعوبات التي تواجههم هي الوصول لأفكار جديدة للخروج، ولكن بوجود سيدات جميلة معها مثل فاطمة إيهاب و روان و فرح ياسر، يتمكنوا من عمل أفكار مختلفة في كل رحلة تخليها مميزة و ممتعة اكتر، من خلال مساعدتهم لها.
