كشفت الفنانة داليا البحيري، تفاصيل مسرحيتها الجديدة «سيدتي أنا» التي تعرض على خشبة المسرح القومي بمشاركة عدد من النجوم.
وقالت داليا البحيري، ببرنامج سبوت لايت الذي تقدمه الإعلامية شيرين سليمان والمذاع على قناة صدى البلد: «أقدم شخصية ليزا وهي فتاة بتنام في الشارع ومن الحثالة ولازم شكلها يكون زي ما أنا طالعة بيه كدا، وعاملة حاجة مختلفة عن أي حاجة اتعملت قبل كده».
وتابعت داليا: «الوقوف على خشبة المسرح حاجة مش سهلة خالص، وأنا متشرفة بكل واحد اشتغل في المسرحية دي وبشكرهم وبحبهم جدا ودي أول تجربة لي على المسرح القومي وبقدم في المسرحية أكتر من استعراض».
واستكملت داليا البحيري حديثها عن سيدتي أنا: «كان بيجيلي قلق قبل الدخول في بروفات المسرحية وأنا مش بحب الصوت العالي وبتوتر منه أوي وفي المسرحية أغلب الوقت صوتي بيكون عالي فالدور عكس شخصيتي».
وعن تعاونها مع نضال الشافعي فقالت: «نضال حبيبي وبحبه جدا على المستوى الشخصي والفني وهو فنان كبير، وبيندمج أوي مع الدور لدرجة اني بقيت أقوله خف إيدك شوية في الضرب، ونضال متواضع وجميل ومرحب بزملائه ومطيع جدا للمخرج».
وعن مخرج المسرحية محسن رزق، فأضافت: محسن رزق مخرج فاهم كويس أوي بيعمل إيه، وهو ممثل عظيم وكان نفسي أشتغل معاه من زمان ومحظوظة بالعمل معاه.
