قال الدكتور كريم أبو المجد، رائد زراعة الأمعاء في العالم، إن الطب ده موهبة وإلهام من عند الله، وتابع:” أنا حسيت إن ربنا أعطاني الطب ده موهبة وإلهام من عند الله أعطاني كنز لازم أشاركه مع كل الأطباء عشان أساهم في إنقاذ أكبر عدد من مرضى فشل الجهاز الهضمي والكبد”.
وأضاف ” أبو المجد”، خلال لقائه ببرنامج “معكم منى الشاذلي”، والمذاع عبر قناة سي بي سي، وتقدمه الإعلامية منى الشاذلي، أنه بعدما انتهى من دراسته للطب في جامعة المنصورة، أراد تنمية قدراته الجراحية والطبية من خبراء الطب في الولايات المتحدة الأمريكية، وتابع:”حسيت إن أفضل وسيلة لتنمية قدراتي الجراحية والطبية عشان أرجع مصر وأخدم بلدي، هي السفر لأمريكا المكان الوحيد اللي أقدر أحقق فيه اللي بحلم اتعلمه”.
وتابع: “في الفترة دي وأنا في الجامعة في أوائل السبعينيات كانت أمراض الكبد منتشرة خاصة في الدلتا عشان البلهارسيا في الوقت ده.. وكان في طبيب مشهور في أمريكا بيعمل عمليات توصيلات أوعية دموية عشان يمنع نزيف دوالي المرئ فأصريت إني أروح وأتعلم على إيده عشان أرجع بلدي تاني وأخدم أهلي في مصر”.
