كتبت: أوركيد سامي
رثت الفنانة رانيا فريد شوقي ، اختها المنتجة الراحلة ناهد فريد شوقي ، برسالة موثرة نشرتها عبر حسابها على إنستجرام ، و كتبت رسالة موثرة لها
وقالت رانيا:”للأسف بنعتاد الأحباب فى الدنيا كأنهم خالدين في الدنيا زي ما نعتاد النعم كأنها مستمرة إلى الأبد و ده من عيوب البشر أختي الحبيبة الغالية ناهد انا بعتذر لك لأني اعتدك في حياتي يمكن خيالي كان أضعف من إني اتصور فراقك، يمكن خدتنا مشحانات الدنيا وربنا نور بصيرتنا ورجعنا لحضن بعض والحب اللي اتربينا عليه وحبنا لبابا كان دايما بيجمعنا يمكن لأني نسيت اننا بنكبر كلنا يمكن لأني جيت الدنيا لقيتك أختي الكبيرة القوية العنيدة اللي ماتعرفش حاجة إسمها استسلام وارادتها من حديد”
و تابعت قائلة ” قوتك كانت يطمني عليكي انا مش عارفه انا بكتب ايه بس الي حساه أكبر بكثير من أي كلام مازلت مش مستوعبه و لما حد بيقول الله يرحمها بتخض في الفترة الأخيرة كنت بشوف فيكي بابا بكل حركاته و طريقة كلامة و نظراته و هزارك و قولت الأحفاد الي ماشفوش جدهم ناهد نسخة من جدكم تشفوها كانكم شفتوه سبحان الله”
واستكملت:”والغريب اني من الشخصيات اللي بتخاف تدخل علي حد متوفي لانه بيبقي آخر انطباع بيفضل في الذاكره عن الشخص لكن لما دخلت و شوفت وشك مبتسمه كأنك نايمة و بتحلمي حلم جميل حسيت انك شوفتي فريد ابنك بيستقبلك وخدك لحبايبك بابا وطنط هدي ومها أختنا ده تفسيري لابتسامتك الهادية الجميلة الواضحة أوي اللي هونت علينا كلنا فراقك واللي مش هتفارقني اللي باقي من عمري كنتي راضية بكل اقدار الله و مسلمه أمرك لله إلي ان نلتقي يا أختي سلميلي علي بابا و قوليله الحياة من غيرك مش حياة و نفسي يجيلي في الحلم بقاله فترة غايب عني هتوحشيني اوي يا حته من ابويا و من قلبي”.
و يذكر أن رحلت المنتجة ناهد فريد شوقي عن عاملنا صباح أول امس الثلاثاء 5 ديسمبر عن عمر يناهز 73 عاماً و تم تشييع حثمانها في نفس اليوم بمسجد الشرطة بالشيخ زايد بحضور عدد كبير من نجوم الفن و من المقرر أن تتلقي اسرة الراحلة العزاء مساء اليوم الخميس بعد صلاة المغرب في قاعة الوهاب من مسجد الشرطة بالشيخ زايد.
