استغاثت الفنانة رانيا فريد شوقي مما وصفته بالإرهاب على الطريق.
وطالبت عبر بوست مكتوب على حسابها الشخصي على موقع التواصل الاجتماعي فيس بوك بضرورة التدخل لإنقاذ الأرواح حيث قالت:” الى كل من يهمه الأمر ارجوكم انقذوا الشعب من مجانين السواقة الامر لا يحتمل تباطؤ، فالطرق السريعة اصبحت اخطر علي المصريين من كورونا في مجانين سايقين عربيات بسرعة جنونيه و في بيتسبقوا علي الطريق الصحراوي و في عربيات نقل في طريق العربيات لدرجة ان عربية نقل بترجع بضهرها من علي كوبري اللي بينزل لطريق العالمين”.
وتابعت: “ده طبعا بيحصل بالليل، ما يحدث ارهاب بسبب الفوضي اللي متعود عليها بعض الناس و ماحدش يقولي دول الشباب اللي بيعملوا كده، لا في ناس سنا المفروض انهم تخطوا مرحلة الشباب لكن للاسف فاقدين للوعي و العقل، يعني الطرق عشان اتحسنت الناس تتجنن الواحد بقي عايش متوتر طول الوقت علي عياله قبل نفسه”.
واختتمت:” لازم قانون المرور يفعل بحزم و لازم يبقي في عربيات دوريه للمرور علي كل الطرق والله اكبر فلوس هتدخل للدولة من مخالفات المرور اللهم استودعتك احبتي و اولادي فانت خير الحافظين
#دي_مش_سواقه_ده_ارهاب، فعلوا الهاشتاج لازم نعمل حاجة”.
يذكر أن آخر أعمال الفنانة رانيا فريد شوقي كان مسلسل “ولاد ناس” الذي تم عرضه في رمضان الماضي، ومن بطولة رانيا فريد شوقي، وصبري فواز، وأحمد وفيق، ومجموعة كبيرة من النجوم، وناقش قضايا أسرية مهمة ومايتعرض له أبنائنا في مختلف المراحل التعليمية.
