كشفت الفنانة رحمة حسن، عبر حسابها الشخصي على إنستجرام، عن موقف سيئ تعرضت له حيث عضها أحد الكلاب بالقرب من منزلها.
وكتبت رحمة حسن عبر إنستجرام: مساء الخير.. امبارح الساعة 11 بليل كنت نازله اجيب حاجة من السوبر ماركت جمب البيت، وكنت ماشيه على الرصيف وكان في عربية بتركن جمبي عادي، فجاءة الباب اتفتح ولقيت كلب (جيرمن شيبرد) تقريبا مَش متاكده أوي ، بيهجم عليه بكل قوته ،طبعا حاولت أجري لكن للأسف الكلب كان قوي وشرس ووقعني على الأرض.
وتابعت: حاولت أقوم وأجري وصاحبته حاولت تشده ، بس فك الليش بتاعه وعضني عضة كبيرة وغويطة بنابه في منطقة حساسة، صاحبة الكلب كتر خيرها أخذتني فورا على مستشفى إمبابة، أدوني حقنة تطعيم الكلب ولسة فاضلي 4 هاخدهم خلال شهر، بس المشكلة أن من امبارح الجرح بينزف دم كتير ،وأنا طبعا خايفة ومصدومة.
وأضافت: وعندي تروما من امبارح ، والي واجعني أكتر اني مَش عارفه أتصرف إزاي .. خصوصا اني اكيد مَش عايزه الكلب يتاذي، بس كمان مَش عايزه اي إنسان كمان يتاذي ويتعض ويتبهدل في الشارع زيي .. أنا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه.
وأكملت: امبارح صاحبت الكلب قالتلي متخافيش هو عض ولادي قبل كدا وتمام محصلش حاجة.. طبعا انا اتصدمت لما عرفت انها مَش أول مرة الكلب يعض حد ومع ذلك هي سايباه عادي في الشارع منغير كمامة أو حد قوي يمسكه .. بجد حرام عليكم ، الكلب لما بيكون حجمة كبير وشرس بيعتبر سلاح ،وصاحبه مسؤل مسؤليه كاملة عنه ويحاسب على إهمال مسؤليته ، خصوصا لو اهماله تسبب لشخص تاني في اذي بدني يحتاج اكتر من 21 يوم علاج وأذى نفسي ماعرفش هايحتاج قد ايه عشان يخف.
وأوضحت رحمة حسن حالتها قائلة: أنا كنت بحب انزل احط أكل ومايه للكلاب والقطط تحت البيت ، دلوقتي حقيقي مرعوبة اقرب منهم وخايفه جدا..أنا اسفه طولت عليكم بس أنا بجد مَش عارفه المفرود اعمل ايه عشان محدش تاني.
