عبرت الإعلامية سالي عبد السلام عن سعادتها؛ بعد القبض على الشاب المتهم بالاعتداء عليها، بإحدى محطات الوقود في التجمع الخامس، وتبين أنه موظف بإحدى شركات المقاولات بالقاهرة، وتم اتخاذ الإجراءات القانونية اللازمة تجاهه.
وكتبت سالي عبد السلام، عبر صفحتها الرسمية بموقع فيسبوك: هي دي بلدي، هما دول ناسها اللي ساعدوني، وبناتها اللي ما أعرفهمش، بعتوا لي قالوا لي، هو مين؟، أنتم رزق، ده رزقي يا ربي، اللهم بارك.
وتابعت: أنا بقالي يومين مش عارفة أنام، أقسم بالله وقتها كنت راجعة من عند الدكتور الساعة 11 بالليل، ما أكلت، كنت زعلانة، الحمد لله رضا، وتعبانة ولسه بتعالج الحمد لله، ووقفت مع صاحبتي أجيب أكل وكنت مستنية القهوة.
https://www.facebook.com/100033425598949/posts/pfbid02LoBjrSyfhjDSsrbquYNKbc5hFogf25A1CLGMcwhNGXkH2ovGigdZbqgwtq2MnirQl/?d=n
وأضافت: النهاردة بعد يومين من الواقعة ونشر الفيديو، أنا في محكمة القاهرة الجديدة، ومن غير محامي ولا حد معايا، في ساعات من المحضر في قسم التجمع الخامس، الشرطة المصرية الله يحميهم، جابوه، والصبح كنت في النيابة، وكلي ثقة في قضائنا اللي فوق الكل، ربي يعلم، والله اديته مهلة 24 ساعة لما خلى صحابه يكلموني عن طريق صحاب مشتركين للأسف، عشان أشيل الفيديو، ويحاولوا يساوموني، وحاجة آخر قلة أدب، وبعدها يهددوني، وما تعرفيش ده مين، وفلوس وعلاقات، وأنا ربنا يعلم، مسكت نفسي بالعافية وقتها، وما طلبتش غير اعتذار ليا، ولكل بنت أذاها، من غير أساميهم وساعدتني لوجه الله، وهو رفض.
