كشفت الفنانة سلمى أبو ضيف، خلال لقائها مع برنامج ET بالعربي، عن استعانتها لبنت شعبية حقيقية لتساعدها في طريقة اتلتحدث الشعبي لتقوم بدورها بشكل صحيح، موضحة أمنيتها في عمل دور شعبي، وعدم استيعابها لنجاح مسلسلها الرمضاني” أعلى نسبة مشاهدة”.
وقالت سلمى أبو ضيف، خلال اللقاء عن نجاح مسلسل” أعلى نسبة مشاهدة”،موضحة:” لسه مش مستوعبة أوي نجاح أعلى نسبة مشاهدة، لكني مبسوطة”.
وتابعت” وكل الأدوار اللي كانت بتيجي قبل كده كان بيعجبني فيها الشخصية، والموضوع كان صعب علشان أفرق بين شخصية والتانية، والسنة اللي فاتت كان خطوة كويسة أعمل دور بنت صعيدية”.
واسترسلت:” كان نفسي أعمل بنت شعبية، ولما جاتلي الفرصة السنة دي والسنة اللي فاتت عملت حاجة مختلفة عني في المداح، والناس صدقتها، وده إداني ثقة إني لما أدي مجهودي في الشخصية مع توجيهات مخرج شاطر بيطلع حاجة كويسة”.
وعلقت عن ظهورها بدون مكياج في أحداث مسلسل أعلى نسبة مشاهدة،قائلة:” أنا ظهرت في أعمال كتير من غير ميك آب، وأنا مبحطش ميك آب في العادي، والمخرجة كانت طالبة محدش يحط ميك آب، وإحنا مكنش عندنا ولا ديكور واحد وكل المسلسل كان متصور في شوارع حقيقية، وبيت الحطابة اللي صورنا فيه وحشنا وهو بيت أثري”.
سلمى أبو ضيف: استعنت بفتاة شعبية لتحضيرات الشخصية
وتحدثت سلمى أبو ضيف عن تفاصيل استعانتها بـ فتاة شعبية خلال تحضيرات الشخصية، مشيرة:” أول ما جالي دور شيماء اتخضيت لأنه بعيد عني، والمخرجة شافت بنت اسمها مي في الحطابة مكان البيت اللي صورنا فيه، وهي بصراحة جدعة جدًا”.
وأكملت:”وكانت معايا في كل لحظة في التحضير، وساعدتني كتير في طريقة الكلام والتكوين، وكنت بروح عندها أكتر من مرة وقعدنا بالساعات وطريقة شرحها كانت لطيفة جدًا، وقالتلي البنت الشعبية بتتكلم بـ إيديها”.
واختتمت عن تعاونها مع ليلى أحمد زاهر،قائلة:” ليلى زاهر هي أختي الصغيرة، وموهوبة جدًا، وشقية في الحقيقة ودمها خفيف، وكنت برجع كل يوم من التصوير بقول الحمد لله، لو حد بيعيش حياة شيماء دي حياة صعبة، دي من الدار للنار”.
تابعونا على صفحات موقع الحكاية الرسمية
Elhekayah TV – تليفزيون الحكاية
