اعتزل الفنان شريف إدريس الفن اليوم الخميس، وذلك بعد أن قدم 71 عمل وبدء التمثيل وهو طفلاً، وكان بداية ظهوره في منتصف ثمانينات القرن العشرين بأعمال تلفزيونية وسينمائية.
إقرأ أيضًا.. الزملاء بيشحتو الشغل.. الفنان شريف إدريس يعلن اعتزاله الفن والسفر للخارج
ومن أعمال شريف إدريس السينمائية (الاتحاد النسائي، أسعد الله مساؤك، المفسدون)، ومن أعماله التلفزيونية (على باب الوزير، عفاريت السيالة، الهروب).
ويستعرض موقع أسرار الفن خلال التقرير الأتي أبرز المعلومات عن الفنان شريف إدريس:-
ولد شريف إدريس في محافظة الأقصر، وبدأ العمل بالتمثيل وهو طفل صغير.
– جاء دخول إلى مجال التمثيل بالصدفة، حيث اصطحبه والده إلى بلاتوه تصوير مسلسل النهر لا يحترق للمخرج إبراهيم الشقنقيري، والصدفة كانت سببًا في دخوله التمثيل.
– كان بداية ظهوره في منتصف الثمانينات، والتحق بالمعهد العالي للفنون المسرحية، قسم التمثيل والإخراج، وحصل على شهادته في عام 2009.
– شارك في حوالي 71 عملًا فنيًا، تنوعت مابين السينما والدراما .
– يعد فيلم النهادرة يوم جميل آخر أعماله السينمائية، وشارك في المارثون الرمضاني الماضي 2021 بمسلسل قصر النيل، والذي جمعه بعدد من النجوم أبرزهم: دينا الشربيني، محمد حاتم، أحمد خالد صالح، ريهام عبد الغفور، مريم الخشت، ونبيل عيسى، وعمر السعيد، وناردين فرج، ومريم الخشت، ومحمود البزاوي، وإخراج خالد مرعي.
الفنان شريف إدريس يعلن اعتزاله الفن
أعلن الفنان شريف إدريس، اعتزاله الفن وذلك من خلال منشور عبر حسابه بموقع التواصل الإجتماعى “فيسبوك”.
وكتب شريف إدريس: “بسم الله الرحمن الرحيم.. بعد ٣٥ سنه سعي وتعب وشقي في الوسط الفني، قررت الاعتزال والابتعاد تماما وتغيير مسار حياتي وأي حد عنده فرصة سفر ليا هاكون شاكر ليه وده طلبي الوحيد.. وده قرار أخدته بعد ما الامور وصلت في الوسط الفني لمرحلة عبثية وصلت اني بقيت بشوف بعض الزملاء بيشحتو الشغل علني علشان يشتغلوا لان الشغل بقي متقسم علي ناس معينة”.
وقال شريف إدريس:”فلو الامور وصلت لكده ابعد احسن.. وحتي لما بيجي شغل بيتفرض عليك توافق باقل الفلوس وتخرج من الشغل مديون.. ومواقف مهينة زي ان شركة انتاج تعرض عليك أجر هو قيمة ربع أجرك والسبب انهم الميزانية مصروفة عالديكور.. طب خلو الديكور يمثل”.
وأوضح شريف إدريس: “هحكيلكم موقف حصل معايا من اسبوع..اتصل بيا حد قالي عايزين حضرتك بكره عندك تصوير في مسلسل كذا بس هتدفع عشره في الميه للكاستينج دايريكتور. .كان هيجيلي جلطة بعد ماقفلت المكالمة ووافقت علشان انا محتاج اشتغل ومحتاج فلوس. .وماقدرتش استوعب الفكرة بصراحة اني بعد العمر ده مضطر ادفع علشان اشتغل فاتصلت واعتذرت… وده الحال حاليا ان الامور بقت في ايد كاستينج دايريكتور.. وده موقف من مواقف كتير مريت بيها لو حكيتها محتاجة كتاب مش بوست عالفيس فطالما الشغل بقي لازم يتدفعله..وطالما الشغل بقي بالشحاته..يبقي بلاش احسن”.
وتابع شريف إدريس: “انا طول عمري راضي الحمد لله..بس حقيقي انا وصلت لمرحلة اكتئاب وصلتني اني بقيت بنام احلم بكابوس اني بقتل عيالي وبقتل نفسي لأني وصلت لمرحله نفسيه وماديه اني بقيت مش قادر اربيهم ولا اصرف عليهم وانا عندي تلات اطفال بعبدهم عباده متخيلين حجم المسؤليه..وبقيت مديون لطوب الارض”.
وأضاف شريف إدريس: “حقيقي لو حد عنده فرصة سفر ليا هاكون شاكر ليه جداً وهيكون جميل في رقبتي لحد ما اموت لأن حقيقي انا مش قادر اعيش في البلد دي تاني انا حاولت اسعي في اي مجال تاني بس ماقدرتش”.
وأختتم شريف إدريس: “وحقيقي لو اتعرض عليا بطولات بعد البوست ده هرفضها لان البوست ده هو نهاية علاقتي بالمجال اللي اتربيت فيه ودرسته وعشت فيه كل تفاصيل حياتي والحمد لله علي كل شئ ..همسح ابلكيشن فيسبوك من تليفوني لاني هنزل ابيع تليفوني اصلا..فانا هاكون متاح اونلاين لحد بالليل..لو حد عنده فرصة شغل وسفر ليا ومش معاه رقمي ياريت يجيبه من اي حد.. ملحوظه: انا مش محتاج طبطبه من حد انا محتاج فرصة سفر وشغل تخليني اعيش ولادي حياه كريمه وبس ..شكرا ليكم محبتي للجميع هاين عليا اقوم ارمي نفسي من البلكونه بعد ماوصلت اني اكتب البوست ده”.
موضوعات ذات صلة..
بعد حذف صوره.. عنبة يثير الجدل حول اعتزاله ويعلق: أنا آسف لنفسي
تبرعت بأموالها للجمعيات الخيرية.. قصة اعتزال شادية وإسمها الحقيقي
