نفت الإعلامية رضوى الشربيني، خضوعها لعملية تجميل أو نفخ الشفاه، موضحة أنها تتبع وصفة خاصة بها للحصول على المظهر المطلوب.
وقالت رضوى الشربيني خلال تقديمها برنامج هي وبس، المذاع عبر قناة cbc سفرة: ناس كتير بتبعت تسألني “إنتي نفختي شفايفك فين؟” فقررت أخرج من غير ميك.
وأضافت: هشرحلكم على الهوا، خلطة للشفايف بعملها في اليوم العادي أو لو خارجة مع صحابي، عاملة خلطة مكونة من قرفة وشطة وفازلين طبي وزيت لوز حلو، وفي ناس بتحط على الخلطة دي جنزبيل.
وشرحت رضوى الشربيني فوائد الوصفة، قائلة: الخلطة أولا بتلون الشفايف وترفعها، ولو تقدري تستحملي الشطة ممكن تاخدي شفايف أنجلينا جولي.
وطبقت الإعلامية عمل الوصفة أمام الكاميرا، وعلقت: هتلاقي شفايفك اتلهلبت من الشطة، ولازم تجربيها عشان لو عندك حساسية منها أو من أي مكونات في الخلطة ماتعملش تورمات أو تترك علامات.
