تحدث الفنان وائل عبد العزيز عن خلافه مع شقيقته الفنانة ياسمين عبد العزيز، الذي أثار جدلًا واسعًا خلال الأيام الماضية، عبر مختلف مواقع التواصل الاجتماعي.
وقال وائل عبد العزيز في تصريحات تليفزيونية: خدت قرار مش هرد تاني، وأنا موجود لما تحتاجيني ولو رأيي ميهمكيش ومش محتجاني فتمام، وغلطت لما كتبت على السوشيال والمهم نعتذر، والاعتذار من شيم الرجال، وأنا بعد كده مش فاضي غير لشغلي وربنا يكرمنا كلنا، والأمور اللي مش بنلاقي فيها حل بنسيبها، ونشوف مين الصح ومين الغلط، ومن حبي لأختي ياسمين بقيت عامل زي القطة اللي كلت ولادها، واتعلمت درس كبير وهو إني متكلمش على السوشيال ميديا.
وتطرق للحديث عن والده، وأضاف وائل عبد العزيز: والدي حارب في حرب 73 وكان بطل الجمهورية في القفز بالزانة وكان بيجيد التمثيل باللغة العربية والعامية، ولكن الفرصة مجاتلوش وكان بينمي فينا موهبة التمثيل ويعملنا ورشة تمثيل بليل.
واختتم حديثه عن ياسمين عبد العزيز، قائلًا: بحبك ووحشتيني وسيف وياسمين وحشوني وربنا يخليكي لينا وربنا يشفيكي ويبعد عنك أي شر، وتنجحي وتبقي قد الدنيا عشان انتي عندي قد الدنيا وأهديلك أغنية تعالى أدلعك
