تحدث الإعلامي أحمد شوبير عن قضية حسين الشحات لاعب الفريق الأول لكرة القدم بالنادي الأهلي ومحمد الشيبي لاعب بيراميدز.
وقال شوبير في تصريحات إذاعية: ” راجعين للشيبي والشحات تاني هغنيها وأعملها موال آه والله، عشان محامي تاني يطلع يقول لك هنستأنف ونحبس حسين الشحات».
وتابع شوبير موجها رسالة ساخرة للمحامي: “أقول لك حاجة هات لحسين الشحات مؤبد أو إعدام، يستحق الإعدام شنقا أو رميا بالرصاص، استأنف إعمل إللي أنت عايزه”.
وأضاف شوبير: “لا وكمان دلوقتي دخلوا على الخط المواقع في المغرب، يا جماعة هناك حكم صدر وده أقصى حكم في مثل هذه القضايا، سنة مع إيقاف التنفيذ، لكن المحامي قال لك أنا هشيل إيقاف التنفيذ، اللي عايز ياخد إجراء ياخده، بس كده كتير قوي يا جماعة، وشكلنا وحش والناس بره بتضحك علينا، كتير فعلا قوي اللي بيحصل ومش في صالح الكرة المصرية ولا في صالح الناس اللي بتتكلم”.
