شيرين عبدالوهاب: حسام اتهمني أني تخنت وبقيت شبه أمي.. كان عاوز واحدة رفيعة يتباهى بيها

قالت الفنانة شرين عبد الوهاب، “إن حسام حبيب اتهمني باني تخنت وبقيت شبه أمي وأنه عايز واحدة رفيعة يتباهى بيها قدام الناس وتكون حلوة ورفيعة”.

وأضافت “شرين”، خلال مداخلة هاتفية لها ببرنامج “كلمة أخيرة”، والمذاع عبر قناة أون وتقدمه الإعلامية لميس الحديدي، “أنا كنت بحبه وفاكراه ابني مش بس زوجي.. اهتمت بيه وعملت استوديو علشان شغلنا يتعمل فيه.. اشتريت له كل الأغاني اللي عجبته بشيكات باسمي علشان أضمن له الأغاني دي متروحش منه”.

وتابعت:” اطلقنا طلاق بائن لما قصيت شعري.. بعد ما هديت من الكارثة اللي حصلت حسيت إني مش قادرة أستغنى عنه وإني أديله فرصة تانية وكل اتنين مع بعض لما بيسيبوا بعض بيكون فيه فجر في الخصومة.. علاقة الزواج مقدسة لازم نحافظ عليها”.