صاحبة جروب ladies Gang لـ لحكاية: هدفنا نقدم الدعم والمساعدة للبنات.. بنشارك بعض الأفراح والأزمات
كتبت – شروق حجازي
السوشيال ميديا سلاح ذو حدين في توصيل المعلومات وطرق الدعم أيضاً، وتكوين الصداقات وحل المشاكل ومشاركة الاإجازات الصغيرة والكبيرة في كثير من الأحيان.
قالت نهلة ناجي صاحبة جروب Ladies Gang في حديث مع الحكاية: “الجروب فكرته جاتلي لأني طول الوقت فاتحة سوشيال ميديا بدون أي هدف، لكن آخر فترة ناس كتير كلمتني علي أكونتي بتحاول تستعين بيا في حل حاجات شخصية، وأوقات بيكونو متورطين في حاجات ومش عارفين يتصرفوا ازاي، قررت اعمل الجروب ونكون عيله صغيره بس في الأول قولت أبدا بيا أنا وصحابي ونتكلم عن مشاكلنا وكل تفاصيل يومنا ونساعد بعض في تخطي أي أزمة بنمر بيها”.
وأضافت: “شغلت الجروب ومع الوقت لاحظت إن العيلة بتكبر والبنات حبت وجودهم وسطنا، ممكن في أول دخولهم كان في قلق شويه يمكن حد يعرفهم لو اتكلمو عن خصوصياتهم بس أنا كنت بسمعلهم معظم الوقت برايفيت وبعدين بعرض مشكلتهم في الجروب عن طريقي حفاظاً عليهم ويمكن دي أكتر حاجه فرحتني إن بنات كتير أوي وثقت فيا وده شجعني أكبّر الجروب”.
وتابعت: “عن طريق الجروب ده ناس كتير أوي كونت صداقات كانوا دائما يقولو أنهم لوحدهم ومش لاقيين حد يشارك معاهم أصغر التفاصيل والحمد لله قدرنا نساعد في تجمع ناس كتير سوا ونعمل خير أكتر”.
وأنهت نهلة حديثها قائلة: “رضوى علاء أقرب حد ليا وهي اللي ف كل خطوه بتسندني سواء في الجروب أو في حياتي الشخصيه وبكل تأكيد وجودها فرق معايا جدا ومع البنات وكان أيها أثر كبير في كل مشاكل واحتواء معظم البنات ورسم الضحكه على وشوش ناس كانو خلاص فقدو الامل في اللي جاي، وباقي التيم برضو ساعد وخصوصا أن في منهم أكتر من واحدة ميكب ارتيست قررو يساعدو الحالات الغير مقتدره وينزلو بالفعل يوم خطوبتهم بدون مقابل جزاهم الله كل خير، وحقيقي كل التيم عامل شغل كويس”.
موضوعات ذات صله:
صاحبة جروب same wlahi: هدفنا نساعد وندعم بعض.. ونشارك لحظاتنا الحلوة لنشر الفرحة والأمل
جروب SUGARY يحتل التريند بسبب قصص الرعب.. تجارب حقيقية يرويها أصحابها
جروب SUGARY عالم صغير لأسرار الميكب.. صاحبته تدرس الصينية ولكنها تهتم بعالم التجميل
