كتبت – شروق حجازي
تكتسح جروبات البنات السوشيال ميديا، ولذلك تأثير كبير في نفوس كل فتاة، لأنها تشعر بأنها ليست بمفردها بل لديها عائلة وأصدقاء تستطيع أن تشاركهم كل ما يخصها بكل حُب.
جروب “A little more me” من ضمن جروبات البنات التي يساعدهم في حل جميع مشاكلهم، وقالت مريم عمرو صاحبة الجروب في حديث مع الحكاية:” الحكاية بدأت اني كنت بحب أهتم بشعري، وكنت بطلت استخدم أي حرارة وكنت بجرب خلطات وطرق وبالفعل اتحسن جداً “.
وأضافت مريم: صديقتي رنا عرفة صاحبة جروب to be a lady كانت لسه عاملة الجروب وانا كنت مودريتور فيه، وكنت بدخل أساعد البنات وأكتب بوستات عن الهير كير”.
وأضافت: “حسيت إن البنات حباني، وأنا كنت حابة فكرة اني بساعد البنات، وأنه حد فرق معاه شئ بسببي، وكنت دايما بشاركهم كل حاجة سواء كانت كبيرة أو صغيرة”.
وقالت مريم: “في فترة في حد كان ليه تأثير سلبي وخرجني من كل الجروبات، وساعتها مريت بفترة سيئة، لحد ما قررت إني أقف على رجلي تاني وابدأ أهتم بنفسي وقررت إني أعمل جروب لنفسي وبالفعل عملته ونجح وضم عدد كبير من البنات كلنا عيلة لبعض”.
وأنهت مريم حديثها قائلة: “نفسي كل بنت متمرش بأي حاجة من اللي مريت بيها، وإنها مش لوحدها، وكلنا بيحصلنا دروبات توقعنا ولكن لازم نقف، وأننا موجودين عشان ندعم بعض”.
موضوعات ذات صله:
صاحبة جروب same wlahi: هدفنا نساعد وندعم بعض.. ونشارك لحظاتنا الحلوة لنشر الفرحة والأمل
جروب SUGARY يحتل التريند بسبب قصص الرعب.. تجارب حقيقية يرويها أصحابها
صاحب فكرة جروب ” outfit Helpers official Group “: هدفي المساعدة في اختيار الملابس وتنسيقها
