كتبت– أسماء نافع
حب الرسم والألوان والشغف بهم منذ الطفولة كانت الخطوة الأولى في طريق الصيدلانية إسراء عادل، التي تخرجت قبل عام، إلى عالم الهاند ميد واحتراف فن الريزن.
تتحدث إسراء لموقع الحكاية: “الرسم والألوان كانت هواية جانبية بجانب الدراسة فى وقت الفراغ والاجازات بس مكنش عندى وقت اطورها.. بعد ما اتخرجت ابتديت اشتغل كطبيب صيدلي وفي نفس الوقت بقيت افضي وقت اكتر لهوايتى لحد ما اكتشفت فن الريزن شفت حاجات متنفذة بيه وكنت حابة افهم اكتر”.
بدأت إسراء رحلتها للتعرف على هذا الفن من خلال السوشيال ميديا بالبحث عن ما هو هذا الفن ومشاهدة فيديوهات كثيرة وكورسات لعرب وأجانب، وكذلك الخامات المستخدمة في صناعته وأماكن بيعها.
تحكي إسراء:” بعدها بدأت اشتري الخامات، وفعلا طلعت قطع جميلة مكنتش حاطه فى دماغى انه يبقى شغل كان هدفى انمى هواياتى بس وبعدين اتشديت ليه اكتر والناس اللى حواليا بدات تلفت نظرى ان شغلى كويس والمفروض ابدأ اشتغل واطور فيه فعلا”.
تشير إلى أن فن الريزن ليس منتشر على نطاق واسع مصر ولا يعرف عنه الجميع، لكن هناك نسبة كبيرة تحبه وتحب الالوان والتحف وتهتم به، قائلة ”
الريزن فيه ميزة مهمه جدا يمكن مش موجودة فى اى شغل، هاند ميد تانى وهي أنه صعب يتقلد حتى الشخص الواحد صعب يطلع قطعة شبه التانية”.
وترى إسراء أن هذا ما يجعل من الريزن فن مميز “اللى بيشترى قطعة فهو صعب يلاقيها عند شخص غيره هى قطعة فريدة من نوعها وده بيلفت ناس كتير ليه وانا شخصياً يعنى”.
وعن أهمية السوشيال ميديا بالنسبة لها تؤكد أنها مفيدة للغاية لاتجاه الجميع نحوها والاونلاين شوبينج، وتحلم إسراء بأن يكبر فنها ومشروعها وأن يصبح لدسها جاليرى وبراند باسمها.
