أعلنت بسنت حميدة لاعبة المنتخب الوطني الأول لألعاب القوى، عدم مشاركتها بدورة الألعاب الأولمبية الصيفية “طوكيو2020” بسلب الإصابة
وتعرضت بسنت بمزق في العضلة الخلفية خلال التدريبات التي خاضتها في المعسكر الاستعدادي بالقاهرة قبل السفر الى اليابان.
وتقام البطولة في العاصمة اليابانية طوكيو خلال الفترة من 23 يوليو وحتى 8 أغسطس المقبل.
وكتبت بسنت على صفحتها الشخصبة “فيسبوك”: “صحيح الأزمة اللي مريت بيها كانت كبيرة وصعبة بس من نعمت ربنا عليا وجود ناس جمبي بتحبني وبتخاف عليا بالشكل اللي شوفتو كمية الناس اللي بعتتلي رسايل محفزة جدا ليا وكتبتلي كومنت ونزلتلي ستوري وكلمتني ودعتلي عمري م كنت اتخيلها أبداً ولا اتصور أن ممكن يكون في ناس كتير كدا حوليا بتحبني من قلبها بجد “.
وأضافت، “أنا اسفه جدا أعذروني إني مقدرتش ارد علي كلامكم و رسايلكم العظيمة ليا بس انا الفترة اللي فاتت كنت غير مُتزنة نفسياً ويمكن دي من أصعب الفترات اللي ممكن تمر عليا ف حياتي بس الحمد لله على كل شئ”.
اوتابعت، “أؤمن تمامآ انها البدايه في مشواري الرياضي وليست النهايه بالرغم من صعوبه الموقف وعدم قدرتي الأن علي تخطيه ولكن ربنا كريم جداً …التأهل الاوليمبي ل طوكيو كان نعمة عظيمة و أيضاً الأصابة المفاجأه وعدم القدرة على المشاركة ف اخر وقت نعمة كبيرة من الله حتي وإن كُنت لا أراها الان ف رب الخير لا يأتي الا بالخير الحمد لله دائما وابداً، سعيدة وفخورة ب كل خطوة ف رحلة التأهيل الاوليمبي حتي وإن لم تكتمل في مرحلتها الاخيرة ولكن السعادة متعتها ف الرحلة وليست فقط ف الوصول”.
وأتمت، “شكراً مدربي العظيم على مساندتك ودعمك ليا طول الطريق فالوقت الصعب قبل وقت النجاح، شكرًا للاتحاد المصري لألعاب القوي على المجهود المبذول والدعم الكامل طول الوقت، شكرا لأهلي وأصحابي وكل الناس اللي حتي معرفهاش اللي وقفت جمبي الفترة اللي فاتت كلها وشجعتني وبعتتلي كلام من أعظم ما يكون بجد كلامكم فرق معايا جدا أنتم أكبر نعمة ف حياتي انا ممتنة ليكم جداً وبحبكم أوي، دعواتكم بالتوفيق فيما هو قادم بإذن الله شكراً.”
