عمرو أديب: الكيس الأسود اللي فيه فلوس رجع تاني في شوارع مصر

قال الإعلامى عمرو أديب، إن هناك أمر غريب لا يوجد في أي دولة في العالم باستثناء مصر، يتمثل في أنك تشيل كيس أسود من أجل شراء الذهب، وعقب قائلاً:” في مصر بس لما تروح تشترى ذهب وتقوله مثلاً أنا عاوز 5 جنيهات ذهب يقولك عاوزهم الساعة؟.. وبعدين لما تقوله هدفع بالفيزا يقولك لا كاش..الكيس الأسود اللي فيه فلوس رجع تاني في شوارع مصر.. هي دي تجارة؟”.

وتساءل “أديب”، خلال تقديمه برنامج “الحكاية”، المذاع عبر قناة “mbc مصر”، عن سر اهتمام المصريين بأسعار الذهب، ولماذا ارتفع، وعقب قائلاً:”عندي سؤال.. ليه الناس مهتمة بسعر الدهب؟.. زاد يانهار ابيض وعارف مرتبك يجيب كم جرام؟.. بتتكلموا عليه أكتر من الرز والبيض “.

وتابع “أديب”، :”سعر الذهب برا مصر أرخص من جوه مع تحويل العملة ..طيب أيه اللى بيجرى هنا.. فيه ناس بتلعب في السوق وبتنطط في الذهب، أنا عاوز أعرف تأثير الذهب على حياتك والحياة المصرية، لما تكلمنى عن الدولار أقولك أه نعم يضايق لأن الناس بتستورد بيه، لكن الذهب يضايق في أيه؟”

وأدف “أديب”: “أنا أخاف أقولك على الهواء هو حاسب الدولار بكام، أخاف أقول تجار الدهب حاسبين الدهب بكام الليلة دى ليلزق.. أيه الحكاية فيه سوق هيتكسر.. والدهب قفلته والقبر.. فيه حاجة غلط في سوق الدهب”.