علق الإعلامي عمرو أديب، على الحرب الدائرة بين روسيا وأوكرانيا وآخر التطورات التي تشهدها العمليات العسكرية هناك في اليوم الثاني من الحرب، وقال: “هلخصلكم اللي حصل من امبارح للنهاردة في جملة واحدة، قد استشعر العالم الحرج، وده خلال 24 ساعة بس، العالم بقى في نص هدومه، العالم شعر إن شكله مش جيد”.
وقال أديب خلال برنامج الحكاية الذي يذاع على قناة “MBC مصر”: “عارف لما تبقى ماشي في الشارع وتلاقي راجل ماسك عيل صغير بيضربه جامد وتقول وأنا مالي، فتطلع البيت وتسمع الطفل وهو لسة بيتضرب، فمتقدرش، ضميرك مش مسامح، على حدود المجر، بتروح تسلم عيالك ومراتك، وارجع كرجل عشان تحارب”.
وقال: “المشاهد اللي بيشوفها العالم، الأم والزوجة والأخت والجدة، وهي بتسيب الزوج مشاهد مؤلمة، العالم بدأ يتكلم دلوقتي على التسليح، واللي شجع العالم على كدة صمود هؤلاء الناس، أنت بتشوف رقم 2، بتحارب القوة رقم 22، وكييف الآن فيها ضرب، العاصمة اللي تعدادها 3 مليون فيها ضرب”.
وتابع: “بريطانيا وأمريكا والسويد ودول كثيرة بدأت تبعت تسليح سريع، في سلاح اسمه صواريخ ستنجر، الصواريخ دي جننت الروس في أفغانستان، لأنه مش محتاج عبقرية، هو عمود بيتشال، ويتوجه بالآشعة الحمراء عشان يطلع على الهليكوبتر، دلوقتي بدأنا نشوفه في أرض المعركة”.
