قال الإعلامى عمرو أديب، إن الحكومة قررت تبكير صرف المرتبات، متمنياً أن يكون قبل بدء شهر رمضان الكريم، من أجل الخفيف على المواطنين في ظل ارتفاع الأسعار وحالة الغلاء التي تضرب البلاد، وتابع:” فيه ناس بتقترح على الدولة ان الزيادات ماتاخدهاش اول ابريل وتاخذها قبل رمضان عالشهر الهجري.. لو أمكن”.
وتابع “أديب”، خلال تقديمه برنامج “الحكاية”، المذاع عبر قناة “mbcمصر”، :” وسعوا على الناس ربنا يوسعها عليكم.. وبقول للقطاع الخاص برضو فرح موظفينك قبل رمضان.. ياريت كل الناس تقبض قبل رمضان عشان يلحقوا يشتروا اللي عايزينه وطبعا بنشتري طول شهر رمضان”.
وأردف “أديب”،:” حد يقولي ما أنت معاك لسه مرتب الشهر ده ، أقوله مرتب ايه بس، ده اتصرف وأكتر منه 7 مرات كلنا عارفين غلاء الأسعار والكلام اللي عارفينه ده وأنا مش عايز أتكلم تاني في الموضوع ده”.
