قالت الفنانة انتصار، إنها تفضل تصنيفها كممثلة كوميدية لأن الكثيرين لايعرفون ماذا يعني الممثل الكوميدي، وتابعت:” الناس فاكرة أن الكوميدي بس بيضحك الناس وبيقول إفيهات على المسرح رغم أن الممثل المصنف ككوميدي دوره مهم جداً مثل عبد المنعم مدبولي وسهيرالباروني وسهير البابلي وعبد المنعم مدبولي”.
وأضافت “انتصار”، خلال لقائها ببرنامج “كلمة أخيرة”، والمذاع عبر قناة أون، وتقدمه الإعلامية لميس الحديدي، أن الممثل الكوميدي يعني أنه خلص كل شيء في التمثيل وبقى عنده موهبة كمان يضحك الناس ودي صفة وتخصص مش موجود كتير في العالم.
وتابعت:” أنا ممثلة متزنة ومالية مركزي بروح اضحك وبعدين ارجع اكمل تمثيل”، مشيرة إلى أن الممثل الكوميدي نكدي أوي ويعجبك في النكد وفي نفس الوقت يسخر من أحزانه ويضحك عليها.
وقاطعتها ال أنتي في الحياة العادية نكدية ؟ لترد : أيوه عندي حتة نكدية كده موجودة بس مش قدام الناس في البيت بس لكن بمجرد خروجي من البيت هتلاقي الضحك كله ”
ورداً على سؤال الحديدي، إمتى بتطلعي الحتة النكدي:، قائلة:” لما بكون مزنوقة وعندي مواعيد تصوير وغيره بالاضافة لالتزامات البيت فأنا هنا بلعب دور الام والمثلة والمسرح ومديرة أعمال نفسي وبروح أدفع مصروفات المدرسة وأحضر إجتماعات أولياء الامور في البيت وبروح السوق”*.
وتابعت:” نكدي بيطلع لما بلاقي المواعيد دخلت في بعضيها تصوير وشغل مع مواعيد المدرسة والمذاكرة صحيح الولاد كبروا بس في ساعات بيبقوا مش عاوزين يصحوا للمدرسة أو يقفلوا التليفون أو مخلصينالواي فاي في البيت وغيرها أو مش عاوزين يروحوا التمرين “
