كَتبت: أسماء نافع

عندما تمتزج الدراسة مع الموهبة تكون النتيجة مبهرة وعظيمة ونتاجها شئ مختلف وجديد، هذا ما تجده في مشروع “إسراء أبو القاسم” مع صديقتها “إسراء سعيد” خريجتا كلية التربية الفنية بالزمالك عام 2019، وهو مشروع  وبراند  لصناعة الحلق من الجلد الطبيعي.

اقرأ أيضاً.. كلها بهجة.. طريقة هاجر المميزة لتقديم الأكل (بالألوان والكرتون وحياة ديزني)

تقول” إسراء أبو القاسم” لموقع الحكاية:”قبل بداية المشروع كان كل واحد فينا بيعمل حلقان لنفسه عادي ويلبسها ودايما كان اللي حوالينا بيعجبوا بيهم جداً و ده كان من الحاجات اللي شجعتنا نبدء، وجربنا نشتغل في خامات مختلفة و كان من أهم الخامات اللي اشتغلنا بيها الجلد الطبيعي، خامة قيمة وعظيمة جداً وإحساسنا إنها جاية من الطبيعة بيضيف للفن روح تانيه”.

وتضيف أبو القاسم :”قررنا نعمل كل التصاميم اللي نحبها فنفذنا حلقان مصري قديم وفن تجريدي وأشكال من الطبيعة واستوحينا بعض التصاميم من أفكار عصرية مختلفة”.

وتستخدم إسراء وصديقتها  في صناعة الحلق الجلد الطبيعي ١٠٠%، وألوان خاصة بالجلد مع مادة “للفينش” كي تحافظ عليه من أي عوامل خارجية، وعند “تقفيلها” يقومون بطليه بالدهب أو الفضة “عشان لونها ميغيرش و تعيش لأطول عمر”.

وتتمني إسراء لمشروعها مزيد من النجاح وأن يكبر حتى يصل لأن يكون براند مصري عالمي، فتقول:” لسه مشوارنا طويل بس ان شاء الله هنوصل للي عايزينه أهم حاجة السعي و احنا بنسعي”.

ترى إسراء أن السوشيال ميديا عامل أساسي في الوقت الحالي في أي عمل أو مشروع يريد أن يكبر وينجح، مضيفة :” دورها اساسي في كل حاجة في حياتنا بس بنحتاج فترة عشان نتعلم ازاي نستفاد منها في التسويق لشغلنا و نستغلها بذكاء”.

موضوعات ذات صلة..

شغلها تحفة وأنتيكة.. رنا أحمد (ملكة الشموع المعطرة) على السوشيال ميديا

“إسراء عادل” صيدلانية سحرتها الألوان لاحتراف فن الريزن: ميزته في صعوبة تقليد