وجه الفنان تامر حسني، دعوة جمهوره ومتابعيه على مواقع التواصل الاجتماعي بالعبادة والاستغفار والتقرب من الله في ليلة النصف من شهر شعبان، قائلًا:”من النهارده لبكرة أعمالنا بتترفع لربنا يعني كلنا نلحق نستغفر ونطلب من ربنا يسامحنا.. محدش يتخيل أنه عمل أخطاء كتير فمالوش عين يطلب لا لا لا مهما عملت اطلب حالًا وياريت لو نصوم بكرة أنا هعمل كده أي حد عنده شغل ياريت يفضي شوية وقت عشان يستغفر ويدعي كتير بقدر الإمكان”.
وأضاف: “اليوم ده ليه سحر وانا جربته كتير قبل كده وهتحسوا في قلوبكم أن في حاجة اتشالت من عليكم وبقيتوا مبسوطين اكتر،، ادعوا بكل اللي تتمنوه اوي اوي”.
ووجه تامر حسني رسالة إلى جمهوره قائلاً: “فرصة لاي حد عمل ذنب كبير غصب عنه أو قاصد بس ندمان فرصة أن ربنا يسامحه دلوقتي بس نفتكره ونطلب منه يلا يا جماعة من دلوقتي لبكرة اعتبروا أن ده يوم بسنة كاملة وجايز بكرم ربنا يبقى يوم بحياتك كلها اجتهدوا فيه اوي من صلاة من تصدق من ذكر من دعاء من صلة رحم”.
واختتم حسني دعوته لجمهوره بالعبادة والاستغفار في ليلة النصف من شهر شعبان برسالة قوية عن التوبة واليقين، قائلًا:”اليوم ده تقدر من خلاله تبدأ صفحة جديدة مع نفسك ومع ربنا اوعى تحس انك بعيد ومتسمعش كلام أي حد يقولك يا عم انت بتعمل وبتعمل قوله ملكش دعوة ليا ربنا هيحاسبني مش انت”.
وشدد تامر حسني على أهمية اليقين عند الدعاء، قائلاً: “ونخلي عندنا يقين مش عادي ركزوا على كلمة يقين مش عادي أن ربنا سامعنا وهيستجيب لنا وهيحققلنا اللي بنتمناه واللي هيكون صالح لينا وهيسامحنا. عشان تفرق كتير اوي لو بتدعي وعندك يقين أو معندكش بتفرق كتير اوي صدقوني”.
وختتم رسالته قائلاً: “متنسوش تدعولي معاكم بعد اذنكم محتاج دعواتكم جدًا”.
تابعونا على صفحات موقع الحكاية الرسمية
