كان الفنان رامي جمال ضيف في برنامج سهرانين الذي يقدمه الفنان امير كرارة وخلال حواره في البرنامج كشف عن سر ابتعاد زوجته ناريمان عن الغناء وأنها فضلت الجلوس في المنزل .
وقال رامي جمال ” إحنا كان فيه اتفاق صريح جدًا بيننا من الأول، أنا قُلتلها من حقك تغني ده قرارك، بس أنا صعب جدًا بالنسبة ليا إن إحنا الاتنين نبقى مشهورين، مين هيخلي باله على اللي في البيت؟، قُلت لها شوفي باب القبول في الأغاني اللي نزلتيها لو نجحت هيفضل فيه معزة بيننا بس مش هينفع نكمل، ولو اختارتي إنك تبقي في بيتي عرفيني، وهي اختارت وقالتلي أنا موافقة أبقى في البيت”
واستكمل حديثه قائلا “أنا دلوقتي شايف إني ممكن أعمل لها تراك من وقت للتاني، من باب الهواية متتكتمش، لأن صعب جدًا إن ربنا يكون مدينا هدية ومش عند ناس كتير وأنا أقول مش هتستخدمها، ودايمًا باخد رأيها في الألحان”
ومن الجدير بالذكر أن زوجة الفنان رامي جمال قد أعلنت عن انفصالهما الفترة الماضية ولكن لم يعلق على ذلك الفنان رامي جمال إلا بعد مرور يوم كامل وكان رده أنهما عادا لبعضهما مرة أخرى وأن الجميع يحدث بينهم خلافات متعددة .
