تحدثت الفنانة سلمى أبو ضيف عن حبها للأزياء منذ طفولتها وتأثرها بوالدها والذي كان يعمل تاجرا للأقمشة بالأزهر.
وقالت سلمى أبو ضيف خلال لقائها في برنامج “معكم” من تقديم الإعلامية منى الشاذلي عبر قناة ON: “أنا طول عمري بحب اللبس وفاكرة زمان بابا كان بينزل يشتري معايا اللبس، بابا كان بيشتغل في الأقمشة كان تاجر قماش، كان دايما يشوف الخامة فعندي خلفية، كنت أروح المحل عنده زمان في الأزهر أشوف الأقمشة وأعيش وسط القماش”.
وأضافت: “ممكن أكون اتأثرت ببابا كان عنده عدسة يشوف بيها القماش، ولما كنا بننزل نشتري اللبس كان يقولي إيه “الهلاهيل” اللي بتجيبيها وفي حاجات يقولي هتلبسيها وهتفضل عندك في الدولاب، واتعلمت أن الجودة أهم من حاجات ممكن نشتريها وتترمي”.
وأشارت سلمى إلى أنها عندما تظهر بمجوهرات في حفل ما تكون تعرضها وليست تمتلكها كاشفة عن أغلى شيء ارتدته: “أغلى حاجة لبستها أظن كان في مهرجان كان، عقد كبير كان تحفة ألماظ كله لونه أخضر، باخده لفة وياخدوه مني”.
تابعونا على صفحات موقع الحكاية الرسمية
Elhekayah TV – تليفزيون الحكاية
