كشف الفنان محمد رياض، عن موقفين تعرض لهما بسبب شخصية (هايم) التي قدمها بمسلسل «المداح».
وقال محمد رياض ببرنامج سبوت لايت تقديم الإعلامية شيرين سليمان، المذاع على قناة صدى البلد، متحدثا عن موقف تعرض له داخل المسجد: «قابلت واحد فقالي ممكن أتصور معاك، أنا معجب أوي بمسلسل المداح وشخصيتك، وبصراحة كنت بصلي وشوفت حضرتك جنبي في الصف قولت الشيطان ده إيه اللي جابه جنبي.. هو الشيطان بيصلي».
وعن موقف آخر مع أحد أقاربه، أضاف: «فيه ناس قرايبي كانوا بيخافوا مني وهو حد كبير وجري مني لما شافني عشان بصيت له بنفس نظرة شخصية هايم بمسلسل المداح».
محمد رياض
كشف الفنان محمد رياض، عن الأعمال التي اشتغلها في حياته قبل مشواره الفني.
وقال محمد رياض ببرنامج سبوت لايت تقديم الإعلامية شيرين سليمان، المذاع على قناة صدى البلد: «اشتغلت مدرس كيمياء ومشوني.. مدير المدرسة قالي مش هينفع تكمل معانا وكنت في مدرسة كلها بنات، وخاف عليهم مني ورفدني».
وتابع محمد رياض: «كنت في معهد التمثيل وقتها، وكنت بشتغل حاجات كتير وأنا طالب في المعهد زي كيميائي ومدرس وفي معمل تحاليل طبية، وحاجات كتير في الفترة دي».
وأضاف رياض ببرنامج سبوت لايت: «أمتلك عددا من الأعمال الدينية المهمة جدا التي أعتز بها في حياتي ومشواري».
