علق الإعلامي عمرو أديب على ارتفاع أسعار السلع الغذائية، على خلفية الحرب الروسية الأوكرانية.
وقال عمرو أديب، عبر برنامجه «الحكاية»، مساء امس الاثنين: «بقالي يومين تلاتة بحاول أشوف الغلاء العالمي، العالم ده بيعمل إيه؟ هو مواطن زيه زيك عنده غلاء في الغاز. هناك الناس لأن معندهاش اعتمادية أوي على الدولة فاهمين أن السوق كده كده هيتحرك».
وأضاف عمرو أديب: «ده مش وقت بيض أورجانيك، ماله البيض العادي، كله بالبسطرمة بيبقى حلو مش لازم تشتري المنتج الغالي ما دام الأرخص منه نفس الجودة».
تابع: «عملوا استطلاع للأمريكان في أمريكا قالولهم انتوا متخيلين الأسعار زايدة ليه؟ أغلبهم قالوا السبب جشع وطمع الشركات الكبرى أن الزيادات اللي عملاها الشركات لا تتناسب مع الزيادات الناتجة عن الحرب».
وواصل: «أما عن أزمة العيش ليه مانرجعتش نخبز في البيوت زي ما كنا بنعمل من 100 سنة؟ في ناس في أمريكا بدأت تعمل العيش بتاعها في البيت».
وختم قائلًا: «النهاردة نما إلى علمي في أمريكا، وإحنا كنا بنعمل ده من تريليون سنةـ إنه فيه ناس بدأت تعمل العيش بتاعها في البيت».
