عرضت الإعلامية بسمة وهبة، مقطع فيديو مؤثر للفنانة الراحلة تحية كاريوكا، التي قالت إن فيفي عبده تقدم لها مساعدات كبيرة، ووصفتها بأنها ابنتها.
اقرأ المزيد:
فيفي عبده: مفيش راجل يقدر يغيرني.. وتؤكد: أنا فاتحة 150 بيت موسيقي
ووردت فيفي عبده، خلال لقائها ببرنامج “العرافة”، والمذاع عبر قناة القاهرة والناس، وتقدمه الإعلامية بسمة وهبة، قائلة: “الكلام ده جدعنة؟! مش جديد على الراقصات على فكرة، كل الراقصات معروف عنهم الجدعنة زي الحاجة تحية ونجوى فؤاد وغيرهم وبوسي ودينا واللي ماتوا”.
وتابعت:” نجوى فؤاد لم تقل أبدا إنها في حاجة إلى أي مساعدة، موضحةً “الوجود عند الفنان مش إننا نديله فلوس، ممكن يبقى معاه فلوس بس عاوز ناس، وبشر، من حقها إنها تمثل وتبقى أم أو خالة”.
وأضافت فيفي عبده،”أنا متطمنة عليها وعارفة إن حالتها كويسة، معرفتش تعبر لما قالت عاوزة آكل عيش، نجوى فؤاد مش عارفة تعبر عن مشاعرها الحقيقية”.
وتابعت: “أغلب الناس اللي بيموتوا من الفنانين بيبقى من القهر، الناس بيبقوا حواليهم ومرة واحدة ميبقوش معاهم، الكلام ده مكنش موجود قبل كده، زمان الناس كانت بتسأل على بعض .. نجوى محتاجة تشتغل، وعمرها ما قالت لحد اديني، هي عاوزة شغل عشان تبقى قدام الكاميرا لأنها بتحبها”.
