يحل اليوم الثلاثاء 23 مايو، عيد ميلاد محمد رمضان الـ 35 ولقب بـ “نمبر وان”، والذي حقق في وقت قصير نجاح غير مسبوق بعد تألقه في الأعمال التي يقدمها، ويعد محمد رمضان خلال الفترة الاخيرة من الفنانين التي تأثر على الشباب بشكل كبير في تحفيزهم لتحقيق هدفهم.
وفي عيد ميلاد الفنان محمد رمضان يعرض لكم موقع الحكاية من خلال هذا التقرير،قصة كفاحه وصعوده.
عيد ميلاد محمد رمضان
حالف محمد رمضان الحظ أخيرًا للمشاركة في مسرحية قعدين ليه مع النجم سعيد صالح، فأوضح: كنت معدي من قدام مسرح مترو بول فلقيت صورة الأستاذ سعيد صالح وناس بتقطع تذاكر فقولت ما أنا بسعى وممكن حد يطردني بس أحاول.
وأضاف: دخلت للراجل بتاع الأمن وقولتله إن أنا بمثل وعايز أقابل الأستاذ سعيد صالح أو مخرج المسرحية ممكن يعمل حسابي في المسرحية اللي بعدها راح قالي ممنوع، عديت الرصيف ووقف ورا كبينة تليفون في الشارع وربطت الجزمة كويس جدا وقولت ثقة في الله أنا هدخل المسرح.
وأوضح: يعني بقى عندي إصرار غير طبيعي إن أنا هدخل من ورا بتاع الأمن وبالفعل الحمد لله دخلت المسرح من ورا بتاع الأمن، وصلت لأوض اللبس ولقيت أستاذ سعيد صالح قولتله أنا ممثل وبسعى وكل ما أروح لمخرج يقول سيب صورتك حضرتك يعني أنا لا عنيا خضرا ولا شعري أصفر عشان أسيب صورتي أمثل قالي انت عايز إيه قولتله حضرتك أنا ممثل كل اللي طلبه إنك تشوفي وأنا بمثل، روحت ممثله كذا شخصية من الشارع.. راح قايم سعيد صالح وقايل عليا الطلاق الواد ده هيمثل معايا انهاردة على المسرح وقالي لو عجبت الناس هتكمل معايا لو معجبتش الناس متجيش تاني.
وتابع: فمكنتش عارف إيه اللي أعمله أنا حتى مكنتش عارف المسرحية كانت بتتكلم عن إيه، فقولتله إيه رأيك لو عملت شخصية ولد جاي من الصعيد عايز يمثل أنا أصلا عايز أمثل فهعرف أرتجل، خدت شبشب عامل النضافة وجاكيت البدلة بتاع راجل الأمن.. ده كان بالنسبة ليا فرصة العمر والمنفذ اللي قدرت أدخل منه للعالم ده.
