كنت بوافق على أدوار لغرض التواجد.. تعرف على أبرز تصريحات ريهام عبد الغفور في صاحبة السعادة 

حلت الفنانة ريهام عبد الغفور، ضيفة ببرنامج “صاحبة السعادة”، والمذاع عبر قناة دي ام سي، وتقدمه الفنانة إسعاد يونس.

ويسرد موقع “الحكاية”، أهم التصريحات للفنانة ريهام عبد الغفور، وعي كالتالي:

– أنا بنت أبويا جدا.

– كنت طفلة خجولة أوي.

– أنا طفلة كان ممكن أقعد 10 ساعات ألعب في الرمل لوحدي.

– كانت أمي بتشوفني كتير بتكلم مع العروسة بتاعتي، وطفولتى كانت هادية وكنت منطوية.

– ليست من مواليد مدينة المحلة كما يقول البعض.

– الموضوع ما لوش أي أساس من الصحة، فأنا مولودة في القاهرة.

ريهام عبد الغفور: أنا طفلة خجولة وبنت أبويا جدا 

– ما أعرفش بابا راح المحلة امتى، بس الموضوع بقى كتير بيتداولوه إنه حقيقة.

– عندي ولدين الفارق السنى بينهم كبير، واحد تخطى الـ 20 وبيدرس دلوقتى في كندا والتانى أصغر بحوالي 10 سنين.

– الأول بالذات عاش معايا كتير.

– كنا قريبين من بعض جداً.

– السبب في قربى من الكبير إني خلفته صغيرة كان عندي 21 سنة لما خلفته.

– الفارق بينا مش كبير عكس الصغير.

– ابني فاجأنى لما قرر يدرس الإخراج.

– سفرته كندا خاصة أنه كان قايل هيدرس قانون، وبعدين قال ها يدخل سكة التصوير.

– بعدها قلت أشوف بردو موهوب ولا لا فبعت شغل عامله لمخرجين.

كاملة أبو ذكرى وتامر ومحسن وقالوا سفريه ييجي منه.

– نادمة على أدوار لعبتها في السينما، وذلك لغرض التواجد فقط.

– كنت بوافق على أدوار لغرض التواجد فقط.

– كان والدى رافض، ولكن كنت مُصرة على ده ودلوقتى ندمت.

– أنا بالتأكيد بألجأ لوالدى ومشورته، ولكنه مش بيحب يزعلنى أبداً.

– بحب أعمل حاجة أتعب أوى عشان أوصل لها.