تحدث محمود عبد المنعم كهربا لاعب الفريق الأول لكرة القدم بالنادي الأهلي، عن أزمته مع نادي الزمالك وعن ما حققه من بطولات رفقة الفريق الأحمر.
وقال كهربا عبر صفحته الشخصية على مواقع التواصل الاجتماعي في بوك: «بعد إيقاف ٦ شهور الحمد لله قدرت أقف على رجلي تاني وبسرعة جدا وأكمل مسيرتي».
وأضاف: “موسم صعب وكله ضغوطات انتهى بأن الأهلي بطل كل حاجه وبكرم ربنا ودعم جمهور الأهلي قدرنا نحقق كل البطولات إللي شاركنا فيها مكنش هينفع إننا نستسلم في وسط الطريق كان لازم نكمل للأخر زي الأهلي ما عودنا كنت بستني الإيقاف ينتهي بفارغ الصبر علشان أقدر أشارك وأجتهد”.
وتابع: “ إتعرضت لضغوط كتير و ناس بتحاول إنها تعطلني بس ربنا كان ديما في ضهري و نصرني الحمد الله فا أي ضغط من الضغوطات الكتير الي اتعرضتلها كنت برميه ورا ضهري و أركز في تمريني و أركز في الملعب و أسعد جمهور النادي في محاولة إني أرد و لو جزء بسيط من فضل جماهير النادي في دعمهم ليا و وقوفهم في ضهري من أول يوم كنت فيه في النادي ولا أي كلام هيوفيهم حقهم ولا هيوصف اللي في قلبي من ناحيتهم”.
وواصل: “الحمد لله قدرنا نحقق كل حاجة وفي النهاية بشكر كل شخص قدم لي المساعدة ووقف جنبي من أول بيتي النادي الأهلي و مجلس الإدارة و المدير الفني و الجهاز بأكمله و اخواتي في الملعب الي عمال غرفه النظافة و المنظومة جميعا.. بشكر كل إللي وقف جمبي وكان يشجعني و كان حافز إني أكمل و مستسلمش شكرا من كل قلبي”
الحمد
لله “
