حل الفنان” ماجد الكدواني”، ضيفًا على برنامج” بودكاست Big Time”، والذي يقدمه الإعلامي عمرو أديب، عبر شاشات “مصر MBC”، موضحًا عدم استيعابه لمفهوم الناس الخاطيء عن عبارة ” حسبي الله ونعم الوكيل”.
وأكد على أن لا يجب اصطحابها بالغضب والعصبية، لأنها تعني التوكل على الله، أي يصحبها السلام والراحة والسكينة.
ماجد الكدواني ينتقد الفنانين لـ أداء عبارة ” حسبي الله ونعم الوكيل”
أكد ماجد الكدواني، خلال اللقاء عن عدم استيعابه لإستخدام الناس لعبارة ” حسبي الله ونعم الوكيل”،مؤكدًا أنها ليس لها علاقة بالغضب المصحوب بها في أداء الممثلين في المشاهد الدرامية والسينمائية، وأكد أنها في رأيه عبارة تعنى التوكل على الله تعالى، أي يصحبها الراحة والسلام.
وقال: “أنا دايمًا كان شاغلني هو ليه جملة “حسبي الله ونعم الوكيل” الممثلين بيأدوها بـ غـ.ـل كده ودايمًا يعلّوا صوتهم، مع إن معنى الجملة دي (أنا وكّلت ربنا إنه يتصرف معاك) إذًا الجملة فيه تسليم وسلام، فالجملة دي لازم تتقال بمنتهى الراحة..
ليه بيقولوها بنرفرْة وغـ.ـل؟!”.
الكدواني: لما تقول حسبي الله ونعم الوكيل.. انت كدا بتوكل ربنا
وتابع الكدواني:” لما تقول (حسبي الله ونعم الوكيل) انت كدا بتوكّل ربنا..هو انت لما بتوكّل محامي بتقعد تقوله هتعمل ايه في الثغرة دي، طب هترد هنا تقول ايه؟ لا احنا بنوكّل المحامي وبنروح ننام، فما بالك بقى لما توكّل ربنا”.
وأكمل ماجد الكدواني:” والحقيقة فعلا “حسبي الله ونعم الوكيل” ده مش دعاء على حد! معناها “يكفيني ربي وكلّته أمري” معناها أنا مش قادر على الأمر ده، وهفوّضه لربنا”.
وأكد الفنان ماجد الكدواني، على رحمة ربنا بعباده، وقال:” فَربنا يجعله بردًا وسلامًا عليا زي ماجعل النـ ـار بردًا وسلامًا على إبراهيم، ومهما كان عندك هموم ومشاكل وأعداء وناس بتكيدلك، خد بالأسباب وقول حسبي الله ونعم الوكيل وانت مطمّن وعندك يقين إن ربنا هينجيك ويرُدلك حقك”.
تابعونا على صفحات موقع الحكاية الرسمية
Elhekayah TV – تليفزيون الحكاية
