تصدرت الفنانة صبا مبارك محركات البحث في جوجل ، وذلك بعد لقاءها مع الإعلامي عمرو أديب في برنامج “الحكاية”.
اقرأ المزيد…بسنت عادل بطلة السوشيال ميديا.. استغلت إدارتها لأكثر من 40 جروب في تحقيق إنجازات إنسانية
تكلمت الفنانه صبا مبارك حول حياتها الشخصية و الفنيه وقامت بتوجيه رساله إلى الفنانة هيفاء وهبي من خلال البرنامج بعد الانتقادات التي تعرضت لها في الآونة الأخيرة قائلة:” هيفاء وهبي فنانة جميلة وبحبها ، انا مبستحملش التنمر سيبوا الناس في حالها ، ومحدش جبرك تبص على حد وفكروا إن في حاجات بتجرح ، دول بني ادمين مينفعش نتكلم عليهم بشكل وحش ، وأنا انزعجت عليها وأي حد هيتصور من تحت هيبان شكله مش حلو “.
قالت الفنانة صبا مبارك أنها قررت المجازفة بإنتاج فيلم “بنات عبد الرحمن ” وذلك من خلال الخروج بعمل فني و تجاري في نفس الوقت وتحقيق تلك المعادلة .
وقالت صبا:” الفيلم أخد مني وقت طويل في التصوير ، لأن المخرج أخذ سنوات في الاسكريبت ، كان واخد الموضوع بشكل شخصي ومستلهمه من تجارب عائلته ، وكان عزيز أوي على قلبه “.
تابعت:” لما اتعرض عليا الفيلم من 4 سنوات ، قولتله انا معاك يلا نعمله… واتجننت لحظه ما قرأت الاسكريبت ، كان فيه مجازفه كبيرة لما قررت احط فلوس وانتج الفيلم ، وكان الكلام إن الأفلام المهرجانات مش هترجع فلوسها ، فكانت المعادله أن ازاي نعمل عمل فني و تجاري في نفس الوقت “.
وقالت الفنانه صبا مبارك:” مش شرط الممثلة تبقى حلوة، المهم يبقى عندها كاريزما وجاذبية، فسعاد حسني قمر لكن قمر بإيه ، مش بجمالها لكن بجاذبيتها، لأن عندها حرارة اللي عند المصريين وعندها خفة ولذاذة، في حاجة عندها حلوة قريبة من القلب”.
وتابعت :”الممثلة مش مطلوب أنها تكون ملكة الجمال لكن تكون مقبولة الملامح، وفي ممثلات زي القمر مثل ياسمين صبري، درة، ودينا الشربيني قمر وبحب سمارها وخفة دمها ولذاذتها وموهبتها”.
وقد كشفت الفنانة صبا مبارك عن أحد شروطها في الشخص الذي سوف ترتبط به قائلة:” مش عايزه ارتبط بحد أقل مني نجاحاً في مجاله أي كان هو ايه ، والموضوع مش قصه ماديات ، لكن النجاح و التحقق و الإنجاز بينعكس على حاجات معنيه”.
وقد ردت على سؤال الزواج بين الممثلين قائلة:” مجرتش لكن احنا شغلنا صعب جدا حد يتحمله ، ولازم يكون قوي وواثق من نفسه جداً “.
ووضحت أن الوسط الفني المصري من أنظف الأوساط الفنية اللي شفتها، الناس طيبة ومحتضنة ولطيفة، وفي قدر من الاحترام حتى لو الشخص مش بيحبك.
موضوعات ذات صلة:
بسنت ممدوح: حلمي أكون واجهة إعلانية لبراند مشهور وأطلع في التليفزيون
صاحبة جروب “معلومة على الماشي”: بلخص الكتب بشكل بسيط ودقيق للتشجيع على القراءة والاطلاع
صاحب فكرة جروب كوكسال بابا: هدفنا تسليط الضوء على قصة حياة البلوجرز
