قالت الفنانة لقاء الخميسي، إنها لم تتخطى بعد أزمة رحيل والدها، مشيرة إلى أنها تتحدث معه بشكل يومي، وتشعر بأنه معها، ويرد عليها، قائلة:” بابا كان الراجل الأول والأخير في حياتي، كان راجل مختلف، حساس طيب كل الصفات الحلوة فيه، مكنش بيزعقلنا، لكن لو الأخطاء أتكررت تاني بيكون في عقاب، راجل متفهم ومتسامح.”.
وأضافت لقاء الخميسي، خلال لقائها مع الإعلامي تامر شلتوت، في برنامج “In Deep في العمق”، المذاع عبر قناته الرسمية بموقع الفيديوهات الشهير يوتيوب، أن والدها كان رجلًا مختلفًا، حساسًا وطيبًا، وكان يعاملها معاملة خاصة.، قائلة:”بابا كان صوتي الداخلي بكلمه لحد دلوقتي وبيرد عليّ، بكلمه كل يوم وبقوله الحاجات الحلوة والوحشة، هو كإنسان مش موجود لكن روحه معايا، هو مات بالكانسر، الدكاترة قالوا إنها النهاية، وإحنا من الأول عارفين بس مكنتش عارفة أواجه ولا أقبل الموقف، ولما تعبت مكنتش عايزة أدخل اشوفه”.
وتابعت: “كنت بزعل وبقول لربنا ليه تعمل في كدة؟، بعد مامشي كانت مأساة بس كنت قوية جدًا من برة، لكن من جوه ضعيفة جدًا، لأني مؤمنة أنه مماتش، هو طول الوقت موجود، لو عندي مشكلة في حاجة أنا عارفة هو عايزني أعمل إيه.. فعايشة بنصايحه لحد دلوقتي”.
