هاجمت الفنانة انتصار، شيماء سيف، بعدما قالت إنها تآمرت عليها من أجل إبعادها عن برنامج “نفسنة “، وتابعت: “سمعت إيه من كلامنا، دي محسساني إنها كانت في بنها وجات عدت من قدام الأوضة اللي كنا بنتكلم فيها عليها”.
وأضافت “انتصار”، خلال حوارها مع الإعلامية بسمة وهبة مقدمة برنامج “العرافة”، على قناة “المحور”: “هي عاملة مسلسل، وبتقول ماشية وعديت قدام الباب وواجهتهم وفتحت الباب، معندهاش حاجة تتكلم فيها في البرامج، وبتدور على أي حاجة تتكلم فيها، فمين مشهورة في حياتها عشان تتكلم عليها؟! انتصار”.
وتابعت: “طول النهار بسمع سيرتي في البرامج، طول النهار أسمع سيرتي ومش بعلق، مش برد عليها، اتكلمنا عليها في الغرفة، كنت بنتكلم على حاجة في الشغل، كنا بنقدم البرنامج 3 مع بعض، أنا وهي وهيدي كرم، مشاكلها كتير، وعشان كده طلعنا نتكلم، بتقطع في الكلام”.
وأكلمت: “كنا بنتكلم على برنامج ومشاكل الشغل العادية، إيه اللي خلى مشاكل البرنامج تطلع في البرامج، أي شغل فيه مشاكله، لكن أنا شغلانتها، وطول النهار تتكلم في سيرتي، رغم إن البرنامج بقاله 5 سنين مش بيتعمل، ده لو جريمة كانت سقطت.. شايلة مني ليه؟! هو أنا مرات أبوها”.
وأشارت: “طارق نور كلمني عليه، وقالي هنعملي تيست بأكثر من مذيعة، ونبدل، وأحلى حلقة هي اللي نختار الناس اللي فيها، شاركت شيماء سيف وإنجي علي وهيدي كرم”، وتابعت:” عملنا بروفات، وأحلى حاجة ظهرت، كنت أنا وهيدي وشيماء سيف، ولما كنا بنتكلم أنا وهيدي على شيماء سيف بسبب مشاكلها، ودخلت علينا الأوضة متكسفناش زي ما هي قالت، لأنها دايما بتخش الغرفة علينا، وإحنا بنخش الغرف على بعض”.
وتابعت: “كنا بنتكلم عليها في ضهرها، ما إحنا بنتكلم وصوتنا عالي وعارفين إنها هتعدي من قدام الطرقة، ومروحة دلوقتي، مكناش مهتمين ولا بنتكلم في حاجة غلط.. مكناش بنتكلم على شخصها ولا والدتها أو والدها، كنا بنتكلم على الشغل، لما نقولها حاجة مرة واتنين وتلاتة ومتسمعش الكلام يبقى لازم يكون في رد فعل”.
