أفصح المخرج محمد سامي، عن سر نجاحه الدائم مع الفنان محمد رمضان، وآخرها مسلسل جعفر العمدة الذي طٌرح في السباق الرمضاني السابق 2023،وحقق نجاحًا مبهرًا على مستوى العالم العربي.
تصريحات محمد سامي عن محمد رمضان
وقال محمد سامي في تصريحات تلفزيونية: “محمد رمضان ممثل مهم وموهبة مهمة، ولكن مهما كان فهو في احتياج لفريق عمل قوي حواليه ومخرج قوي، هو عنده كاريزما لكن مش مسئول عن كل العناصر”.
وأضاف محمد سامي: “اشتغلت مع غادة عبد الرازق والسقا وتامر حسني، لكن شغل محمد رمضان كان نجاح استثنائي، وده بسبب أن كيميتنا راكبة أوي مع بعض، وبنفهم بعض بالإشارة”.
وتابع: “محمد رمضان طيب ومش بيفكر ينجح مع حد غيري عشان يثبت حاجة معينة، لأنه مش بالشر ده، وهو نجم مبالغ في نجوميته وهو عارف إنه ناجح دايمًا”.
ولفت سامي قائلًا: “محمد رمضان متصنف فتوة الشعبيين لأن فريد شوقي فضل كده طول عمره، وأنا ضد تغيير جلد الفنانين، لأن أحمد زكي فيه حاجات مصدقتوش فيها وأنا أقل من أني أقيّمه، لكن الأستاذ عادل إمام هو الأنجح على الإطلاق، وهو البهجة والانبساط ووظف نفسه حلو وعمل كل حاجة”.
وعلق المخرج محمد سامي عن الجزء الثاني لجعفر العمدة: “جعفر العمدة مالوش إلا جزء، فكرة الجزء التاني فكرة المنتج محمد السعدي وكنا رافضينها أنا ورمضان وكتبت منه 17 حلقة محبتوش، لأن ليه أعيد أجزاء وتكرار لما ممكن أعمل حاجة تاني وأنجح بيها”.
